ნუ მოგვკლავ - დარჩი სახლში! - დავით კობეშავიძე მიმართვას ავრცელებს

​,,იმედის კლინიკის" დირექტორი დავით კობეშავიძე მიმართვას ავრცელებს:

რატომ არ გინდათ გაიგოთ, რომ ამ ვირუსის დამარცხების სხვა გზა, გარდა სახლში დარჩენისა, არ არსებობს?!
დარჩი სახლში!
დარჩი სახლში! - გესმის?!
დარჩი სახლში!
ან ამდენი სამოძრაო რა გაქვს?! ასე უგზოუკვლოდ რატომ დადიხარ?
გიფიქრია იმაზე, რომ ძალიან, ძალიან ბევრს არ უნდა სიკვდილი?
შენ კი, შენი სიჯიუტით - პოტენციური მკვლელი ხარ!
რას გვერჩი, რა გინდა?
მოდი კარგად დავფიქრდეთ -
ხელისუფლებამ რაც შეეძლო ყველაფერი გააკეთა და ზომაზე მეტიც, ჩვენ რა გვჭირს?
სახლში დარჩიო გვეუბნებიან, მეტი არაფერი და ამის გაკეთებაც არ გვინდა?
მერე ხომ დავიწყებთ ბრტყელ-ბრტყელი ფრაზებით ლაპარაკს - აქაოდა  მთავრობამ ვერ შეძლო ინფექციის შეჩერებაო;
შენ რა გააკეთე ამისთვის?
რატომ არ რჩები სახლში?
რა ქნან ჩემმა ექიმებმა, ექთნებმა, სანიტრებმა? - დღე და ღამე სამსახურში არიან  და უდიდესი რისკის ფასად ერის გამრავლებას და მომავალი თაობის ჯანმრთელობას ემსახურებიან!
შენ ასეთი სამუშაო თუ არ გაქვს, რატომ არ რჩები სახლში?!
რა დროს სტუმრობები და ქეიფებია!
გესმის? არ გვინდა სიკვდილი!
არ გვინდა! - გაიგე და შეისმინე!
ნუ მოგვკლავ - დარჩი სახლში!

გაზიარება