|
,,იმედის კლინიკის" პედიატრიული საავადმყოფო
|
ეკატერინე გეთია
პედიატრიული კლინიკის ხელმძღვანელი ,,იმედის კლინიკის" პედიატრიული საავადმყოფო არის მრავალპროფილური სამედიცინო დაწესებულება - აღჭურვილი უახლესი...
ვრცლად
,,იმედის კლინიკის" პედიატრიული საავადმყოფო არის მრავალპროფილური სამედიცინო დაწესებულება - აღჭურვილი უახლესი სამედიცინო აპარატურით და დაკომპლექტებული პროფესიონალთა გუნდით; პედიატრიული საავადმყოფო ემსახურება 0-დან 18 წლამდე ასაკის პაციენტებს; საავადმყოფოში ფუნქციონირებს რამოდენიმე განყოფილება, რომელთა ხელმძღვანელები საკმაოდ გამოცდილი პედიატრები არიან; პედიატრიული საავადმყოფო აღჭურვილია თანამედროვე სამედიცინო ტექნიკით; საავადმყოფო ჩართულის სახელმწიფო ჯანდაცვის პროგრამაში, რაც მაღალეფექტურ სამედიცინო მომსახურებას განსაკუთრებულად ხელმისაწვდომს ხდის; პაციენტისა და მისი ოჯახის წევრების მიმართ თბილი და კეთილგანწყობილი გარემო, ექიმთა გუნდის პროფესიონალიზმი და უახლესი სამედიცინო აპარატურა - ,,იმედის კლინიკის" პედიატრიული საავადმყოფოს სავიზიტო ბარათია. განმარტებები
|
პედიატრიული საავადმყოფო
მიმართულებები და სერვისები ,,იმედის კლინიკის" პედიატრიული საავადმყოფო ემსახურება ასაკობრივ კონტიგენტს ნულიდან თვრამეტ წლამდე...
ვრცლად
კლინიკა ხელმისაწვდომია 24 საათიან რეჟიმში; ასაკობრივი კონტიგენტი, რომელსაც ვემსახურებით - 0-დან 18 წლამდე; ძირითადი მიმართულებები:
პედიატრიულ საავადმყოფოში შეგიძლიათ მიიღოთ სხვადასხვა სპეციალისტების კონსულტაციები:
კლინიკა ჩართულია საყოველთაო ჯანდაცვის სახელმწიფო პროგრამაში. ექსკურსი პედიატრიულ საავადმყოფოში
|
გადაუდებელი სამედიცინო დახმარება
,,ემერჯენსის" განყოფილება ,,იმედის კლინიკის" პედიატრიული საავადმყოფოს "ემერჯენსის"განყოფილება 24 საათის განმავლობაში მზად არის გაგიწიოთ დახმარება...
ვრცლად
,,იმედის კლინიკის" პედიატრიული საავადმყოფოს "ემერჯენსის" განყოფილება 24 საათის განმავლობაში მზად არის გაგიწიოთ დახმარება; აქ თქვენ დაგხვდებათ პროფესიონალ ექიმთა გუნდი, იდეალურად სუფთა და კომფორტული გარემო; კლინიკა აღჭურვილია უახლესი სამედიცინო აპარატურით; ჩვენთან მოქმედებს სახელმწიფო სამედიცინო დაზღვევა; სადღეღამისო სამედიცინო გადაუდებელი დახმარების განყოფილება (EMERGENCY):
განმარტებები
|
გია ნიჟარაძე
დეპარტამენტის ხელმძღვანელი ბავშვთა კრიტიკული მედიცინის დეპარტამენტი უმაღლესი დონის სამედიცინო სამსახურია, რომელიც ემსახურება ბავშვებს 0-დან 18 წლამდე...
ვრცლად
,,იმედის კლინიკის" ბავშვთა კრიტიკული მედიცინის დეპარტამენტი უმაღლესი დონის სამედიცინო სამსახურია, რომელიც ემსახურება ბავშვებს ნოლიდან თვრამეტ წლამდე; დეპარტამენტი სრულად არის უზრუნველყოფილი ყველა საჭირო სერვისით და საშუალებებით; ბავშვთა კრიტიკული მედიცინის დეპარტამენტში ტარდება როგორც თერაპიული, ასევე ქირურგიული მკურნალობა. განმარტებები
|
|
გაიზიარეთ ეს გვერდი
|
იმედის კლინიკა
|
მოიწონეთ ჩვენი Facebook გვერდი
|
თეონა ირემაძე
თერაპიული მიმართულებების ხელმძღვანელი პედიატრიული საავადმყოფოს თერაპიის დეპარტამენტში მკურნალობა უტარდებათ პაციენტებს 1 თვის ასაკის ზემოთ...
ვრცლად
პედიატრიული საავადმყოფოს თერაპიის დეპარტამენტში მკურნალობა უტარდებათ პაციენტებს 1 თვის ასაკის ზემოთ; თერაპიის დეპარტამენტში თქვენს პატარებზე იზრუნებენ ,,იმედის კლინიკის" კვალიფიციური, გამოცდილი და პროფესიონალი მედიკოსები; ეფექტური და მრავალკომპონენტური სამკურნალო პროცესების პარალელურად, თერაპიის დეპარტამენტში ზრუნავენ პაციენტისა და მისი მშობლების კომფორტზე და მათთვის სასიამოვნო გარემოს შექმნაზე; პოზიტიური განწყობა, რომელიც უდაოდ იქმნება თერაპიის დეპარტამენტში, აუმჯობესებს დაავადების გამოსავალს; იმ შემთხვევაში, თუ პაციენტი გადაუდებელი სამედიცინო დახმარების განყოფილებაში (ემერჯენსი) 24 საათზე მეტ ხანს იმყოფება, ვერ ხერხდება მისი მდგომარეობის სტაბილიზაცია, ამასთან ბინაზე მკურნალობის გაგრძელება მიზანშეუწონელია - ასეთ დროს პაციენტი თავსდება თერაპიის დეპარტამენტის სტაციონარში; თერაპიის დეპარტამენტის ამბულატორიულ განყოფილებში ხდება პაციენტების ამბულატორიული მკურნალობა და პრევენციული ღონისძიებების გატარება; პრობლემით დაინტერესებულ მშობლებს საშუალება აქვთ კონსულტაცია გაიარონ თერაპიის დეპარტამენტის ექიმ-სპეციალისტებთან განმარტებები
|
მანანა გიორგობიანი
ქირურგიის დეპარტამენტის ხელმძღვანელი ,,იმედის კლინიკის" პედიატრიული საავადმყოფოს ბავშვთა ქირურგიის სამსახური რამოდენიმე კომპონენტისგან შედგება...
ვრცლად
,,იმედის კლინიკის" პედიატრიული საავადმყოფოს ბავშვთა ქირურგიის სამსახური რამოდენიმე კომპონენტისგან შედგება:დიაგნოსტიკა
ოპერაციის შემდგომი პერიოდის მართვა მიმდინარეობს ინტენსიური თერაპიის მიმართულებით და მოიცავს პოსტოპერაციული და პოსტნარკოზული მდგომარეობის ეფექტურ პრევენციას; ბავშვთა ქირურგიულ დეპარტამენტში მიმდინარეობს როგორც გეგმიური, ასევე ურგენტული ოპერაციები. განმარტებები
|
ყელ-ყურ-ცხვირის კაბინეტი
მიმართულებები და სერვისები პედიატრიული საავადმყოფოს ყელ-ყურ-ცხვირის პათოლოგიების კაბინეტი ემსახურება ბავშვებს 0-დან 18 წლამდე და აერთიანებს შემდეგ სერვისებს...
ვრცლად
ყელ-ყურ-ცხვირის პათოლოგიების კაბინეტი ემსახურება ბავშვებს 0-დან 18 წლამდე და აერთიანებს შემდეგ სერვისებს:
სმენის სკრინინგი
სმენის სკრინინგი - სმენის პრობლემების საპროფილაქტიკო კვლევა, რომელიც ჩვენთან უახლესი გერმანული აპარატურით ხორციელდება; სმენის დაკარგვის ან დაქვეითების რისკ-ფაქტორები
დამატებითი რისკ-ფაქტორები
რისკ-ფაქტორების მქონე ჯგუფი მუდმივად უნდა იყოს აუდიომეტრიული კონტროლს ქვეშ. 0-6 თვე ყველა ახალშობილს უნდა ჩაუტარდეს სმენის სკრინინგი სამშობიაროში. თუ სამშობიაროში სკრინინგი არ ჩატარდა, მისი ჩატარება აუცილებელია სიცოცხლის პირველი თვის განმავლობაში. სმენის დაქვეითების ან არარსებობის დროული აღმოჩენა მეტად მნიშვნელოვანია, რადგან მან შეიძლება გამოიწვიოს მეტყველების, კოგნიტური და სოციალურ ემოციური განვითარების ჩამორჩენა. მეტად მნიშვნელოვანია:
ჩვილები, რომელთაც გაიარეს სკრინინგი, მაგრამ აღენიშნებათ რისკ-ფაქტორები, საჭიროებენ რეგულარულ სამედიცინო და აუდიოლოგიურ მონიტორინგს. 7 თვე - 3 წელი საჭიროა რისკ-ფაქტორების მქონე ბავშვების მონიტორინგი და რეფერალი აუდიოლოგიური კვლევისთვის. 4-18 წელი სმენის სკრინინგი ტარდება 4,5,6,8,10,12,15,18 წლის ასაკში. ამ ასაკში დამატებითი რისკ-ფაქტორებია:
|
ლუიზა ცომაია
ექიმი-ოფთალმოლოგი პედიატრიული საავადმყოფოს ოფთალმოლოგიის კაბინეტი ემსახურება ბავშვებს 0-დან 18 წლამდე და აერთიანებს შემდეგ სერვისებს...
ვრცლად
,,იმედის კლინიკის" ბავშვთა ოფთალმოლოგიური კაბინეტი გთავაზობთ:
მხედველობის სკრინინგი ბავშვთა ასაკში მხედველობის სკრინინგი ბავშვთა ასაკში არის ეფექტურიი მეთოდი იმისათვის, რომ ადრეულ ეტაპზევე გამოვავლინოთ თვალის ისეთი მდგომარეობები და მხედველობის დარღვევები, რომელიც დროთა განმავლობაში იწვევს თვალის სერიოზულ პათოლოგიებს; ბავშვის მხედველობის შესაფასებლად სხვადასხვა ასაკში გამოიყენება სხვადასხვა მეთოდები: სამიდან ხუთ წლამდე ასაკის ყველა ბავშვს უნდა ჩაუტარდეს მხედველობის სიმახვილის შეფასება და ბინოკულარული სკრინინგი. ყველაზე ხშირი მიზეზი მონოკულარული მხედველობის დარღვევებს შორის არის ამბლიოპია. მხედველობის დარღვევით ბავშვები, განსაკუთრებით მცირე ასაკში, ჩვეულებრივ, არ უჩივიან მხედველობის გაძნელებას. ამდენად, პრობლემის განსაზღვრისათვის ძალიან მნიშვნელოვანია მშობლების დაკვირვება:
ჩვენ ვახდენთ თვალის გარეგანი დათვალიერებას (ფასდება ქუთუთოები, ორბიტა, კონიუნქტივა, რქოვანა, ფერადი გარსი, გუგები და თვალის წითელი რეფლექსი); ფოტოსკრინინგი - ავტომატიზებული გზა თვალის წითელი რეფლექსის გამოყენებით დადგინდეს თვალის სხვადასხვა ტიპის პრობლემები. სპეციალური კამერის საშუალებით ხდება ორივე თვალის წითელი რეფლექსის ფოტოგრაფირება. უპირატესობა მდგომარეობს იმაში, რომ არის სწრაფი, ეფექტური, ხელს უწყობს მშვიდი გარემოს ჩამოყალიბებას, განსაკუთრებით, ძალიან პატარა ასაკის ბავშვებში. ახალი თაობის ფოტოსკრინერები სწრაფად იძლევა საჭირო ინფორმაციას; თვალის მდგომარეობის რქოვანას (სინათლის რეფლექსის) გამჭვირვალობის ტესტი - არის მარტივი ტესტი, ტარდება ნათურიანი კალმით იმ შემთხვევაში, როდესაც ბავშვს შეუძლია ექიმთან თანამშრომლობა; თვალის მოძრაობა და დაფარვის ტესტი - თვალის მოძრაობა უნდა იყოს თავისუფალი და კოორდინირებული. სხვადასხვა დაფარვის ტესტით ხდება თვალის არასწორი განლაგების გამოვლინება; ოფთალმოსკოპია - 3-4 წლის და მეტის ასაკის ბავშვზე. რა დროსაც ექიმი ოფთალმოსკოპით ათვალიერებს მხედველობის ნერვსა და ბადურის სისხლძარღვებს; მხედველობის სიმახვილის შეფასება - ბავშვთა ასაკში მხედველობის დარღვევების გამოსავლენად სკრინინგის მეთოდებს შორის ყველაზე სენსიტიურ მეთოდად განიხილება მხედველობის სიმახვილის ფორმალური შეფასება. ფორმალური მეთოდი საჭიროებს თვალის ცხრილის წაკითხვას, ამდენად წარმატებულია მხოლოდ 3 წლის ზემოთ ასაკში. ამასთანავე, მნიშვნელოვანია თითოეული თვალი შეფასდეს ცალ-ცალკე; 3 წლამდე ასაკის ბავშვებში, მხედველობის სიმახვილის შეფასება ხორციელდება ბავშვის შეფასებით, თუ რამდენად შეუძლია ბავშვს მხედველობის დაფიქსირება და თვალის გაყოლება სხვადასხვა პოზიციების შეცვლისას. თუკი ბავშვს ეს არ შეუძლია, უკვე ეჭვი უნდა მივიტანოთ მხედველობის დარღვევაზე; მხედველობის სკრინინგის მთავარი მიზანია გამოავლინოს ბავშვები ამბლიოპიით (ზარმაცი თვალი) ან ამბლიოპიის რისკით, რომელიც იწვევს მხედველობის პერმანენტულ დაქვეითებას (გარდა იმ შემთხვევებისა, თუკი დაავადება ადრეულ ბავშვთა ასაკში იქნება ნამკურნალები). ხვა პრობლემებია: სიელმე, რეფრაქტერული დარღვევები (მიოპია და ჰიპეროპია), ასტიგმატიზმი, ფტოზი, კატარაქტა, გლაუკომა, ნაზოლაკრიმალური სადინრის ობსტრუქცია და სხვა სერიოზული დაავადებები, როგორიცაა სიმსივნე და/ან ნერვული დაავადებები; რომელ ასაკში უნდა ჩაუტარდეთ ბავშვებს მხედველობის სკრინინგი? მხედველობის სკრინინგი ყველაზე მეტად ეფექტურია თუკი ის კეთდება რეგულარულად, დაწყებული ჩვილობის ასაკიდან. რაც უფრო ადრეულ ეტაპზე გამოვლინდება დაავადება, მით მეტია შანსი შეინარჩუნოს ბავშვმა მაქსიმალური მხედველობა შესაბამისი მკურნალობის ჩატარების შედეგად; განმარტებები
|
ნინო ბოცვაძე
ნეონატალური დეპარტამენტის ხელმძღვანელი ნებისმიერი გართულების შემთხვევაში ახალშობილის მკურნალობას და პატრონაჟს პედიატრიული საავადმყოფო უზრუნველყოფს...
ვრცლად
ახალშობილის მოვლა ,,იმედის კლინიკაში” მაქსიმალურად არის უზრუნველყოფილი ახალშობილის პირველადი მოვლის პროცედურების წარმატებით განხორციელებისათვის აუცილებელი შესაბამისი გარენო და პირობები. ჩვენ, ნეონატოლოგები და ახალშობილთა ექთნები, ახალშობილის დაბადებისთანავე ოპერატიულად ვუზრუნველყოფთ სასუნთქი გზების გამავლობას, ხდება სითბოს დაკარგვის პრევენცია, ყველა ახალშობილთან ვიცავთ ე.წ. ,,სითბური ჯაჭვის” 10 საფეხურს, ვახორციელებთ კანი-კანთან კონტაქტს. შიშველ ჯანმრთელ ახალშობილს ვაწვენთ დედის სხეულზე, რაც სითბოს დაკარგვის პრევენციის იდეალური მეთოდია. ამ დროს, ახალშობილს ახურავს ქუდი და აცვია წინდები, ბავშვს და დედას აუცილებლად აფარია საბანი. პროფილაქტიკა და მოვლა მშობიარობიდან 1 საათში ვახორციელებთ კონიუნქტივიტის პროფილაქტიკას ერითრომიცინის 0,5% მალამოს საშუალებით ახალშობილს ვუტარებთ ჰემორაგიული დაავადების პროფილაქტიკას K ვიტამინის ორალური ფორმის საშუალებით დაბადებიდან 1-2 საათის განმავლობაში. ახალშობილის მარკირებას ვატარებთ მოვლის პროცედურების მსვლელობისას, დაბადებისას სამაჯურზე იწერება დედისა და მამის გვარი, ისტორიის ნომერი, დაბადების დრო, სქესი და ანტროპომეტრიული მონაცემები. შემდეგ, ახალშობილს აცმევენ ტანსაცმელს, რომ მან თავი კომფორტულად იგრძნოს. ახალშობილის სრულ გასინჯვას ვახდენთ დაბადებიდან 2 საათში. თითოეული ახალშობილს ყოველდღიურად უტარდება სასიცოცხლო ფუნქციების მარტივი მონიტორინგი, რასაც დედაც ესწრება, ვატარებთ აგრეთვე ყოველდღიურ ტუალეტს. სიცოცხლის მე-4-5 დღეს ვახორციელებთ სკრინინგს ფენილკეტონურიაზე, ჰიპოთირეოზზე, მუკოვისციდოზზე, ჰიპერფენილალანიმენიაზზე. სამშობიარო სახლში დედა და ახალშობილი იმყოფება ერთ პალატაში დედის სურვილისა და მდგომარეობის გათვალისწინებით. გარდა იმ პერიოდისა, რომელიც საჭიროა სხვადასხვა ჰიგიენური თუ სამედიცინო პროცედურების ჩატარებისთვის. ინტრანატალური პერიოდი იგი სამშობიარო ტკივილით იწყება და ახალშობილის დაბადებით და ჭიპლარის გადაკვანძით მთავრდება. ეს პერიოდი საშუალოდ 2-4 საათიდან 18 საათამდე გრძელდება. ნეონატალური პერიოდი ჭიპლარზე მომჭერის დადებიდან იწყება ახალშობილობის ანუ ნეონატალური პერიოდი, რომელიც 28 დღე გრძელდება, აქედან პირველი 7 დღე ანუ 168 საათი - ადრეულად ნეონატალურ, ხოლო 7-დან 28 დღემდე გვიან ნეონატალურ პერიოდად არის მიჩნეული. ძუძუთი კვება ძუძუთი კვების ადრეული დაწყება ხელს უწყობს ეფექტური წოვითი რეფლექსების ჩამოყალიბებას, ახალშობილის სხეულის ნორმალური ტემპერატურის შენარჩუნებას, დედისა და ახალშობილის მშობიარობის სტრესის მოხსნას, ბავშვის კანზე დედის მიკრობული ფლორის კოლონიზაციას, ლაქტაციის პროცესის სტიმულირებას, ოქსიტოცინის გამომუშავებას, დედასა და ბავშვს შორის მჭიდრო ფსიქო-ემოციური კავშირის დამყარებას, ხსენის მიღებას პირველი ერთი საათის განმავლობაში და ახალშობილის ინფექციებისგან დაცვას. განმარტებები
|
ნინო ოქროპირიძე
მეან-გინეკოლოგი ,,იმედის კლინიკის" პედიატრიულ საავადმყოფოში ფუნქციონირებს ბავშვთა გინეკოლოგიის სამსახური, რომელიც ემსახურება ბავშვთა და მოზარდთა...
ვრცლად
ბევრს არ ესმის, რა საჭიროა ბავშვთა და მოზარდთა გინეკოლოგის არსებობა. ზოგიერთი დედა კი, მიუხედავად იმისა, რომ შვილს გინეკოლოგიური პრობლემები აწუხებს, სავსებით შეგნებულად არ მიმართავს ექიმს, რადგან მიაჩნია, რომ ეს პრობლემები ზრდასრულ ასაკში უნდა მოგვარდეს. არადა, რაც უფრო ადრე დაიწყება თერაპია, მით უფრო იოლია განკურნება და ეფექტიანი - შედეგი. ადამიანის ორგანიზმი მთელი სიცოცხლის მანძილზე - დაბადებიდან გარდაცვალებამდე, ცვლილებებს განიცდის, მაგრამ არის პერიოდები, როცა ეს ცვლილებები განსაკუთრებით შესამჩნევია. სწორედ ასეთი გახლავთ მოზარდობის ასაკი - 10-დან 20 წლამდე პერიოდი. მოზარდი უკვე აღარ არის ბავშვი, თუმცა ჯერ არც ზრდასრულია და მხოლოდ ამ პერიოდის დასასრულს ყალიბდება გოგონა ზრდასრულ ქალად, ხოლო ვაჟი - ზრდასრულ მამაკაცად. მოზარდის ორგანიზმში მიმდინარეობს მნიშვნელოვანი ცვლილებები, რომლებიც მხოლოდ სხეულის ზრდასა და ფორმის შეცვლას როდი გულისხმობს. იცვლება მოზარდის მსოფლმხედველობაც. ამის გამო ხშირია გაღიზიანებადობა, გუნება-განწყობის მოულოდნელი ცვლილებები, მაგრამ ეს გარდამავალი მოვლენაა და გარდატეხის პერიოდის დასრულებისთანავე გაივლის. ბავშვთა ასაკში, არცთუ ხშირად, მაგრამ მაინც, გვხვდება ზოგიერთი გინეკოლოგიური პრობლემა. მაგალითად: ნაადრევი სქესობრივი მომწიფება (8 წლამდე გოგონებში და 10 წლის ვაჟებში). მიზეზი შეიძლება იყოს სიმსივნე, ცენტრალური რეგულაციის დარღვევა, სამშობიარო ტრავმა, მუცლადყოფნის პერიოდში ჟანგბადის ნაკლებობა და სხვა; ინფექციები, რაც ბავშვების სასქესო ორგანოების ანატომიურ თავისებურებათა და მშობლებთან მჭიდრო კონტაქტის ბრალია; სასქესო ორგანოების განვითარების მანკები, რომლებიც ზოგჯერ ქირურგიულ ჩარევასაც კი მოითხოვს. მოზარდთა გინეკოლოგიური პრობლემები უფრო მრავალფეროვანი და რთულია: პირველ ყოვლისა, მენსტრუაციული ციკლის დარღვევა. მიზეზად შეიძლება იქცეს არა მხოლოდ სასქესო, არამედ ფარისებრი თუ თირკმელზედა ჯირკვლების ფუნქციათა და რაც მეტად მნიშვნელოვანია, თვით ცენტრალური მარეგულირებელი მექანიზმების მოშლა; არის შემთხვევები, როცა მოზარდს მენსტრუაციული ციკლი ნორმალური აქვს, მაგრამ სარძევე ჯირკვლები არაა განვითრებული ან ასიმეტრულად ვითარდება. ამის სათავე სარძევე ჯირკვლების რეცეპტორთა თავისებურებებში დევს. ეს მდგომარეობა აუცილებელ ჩარევას მოითხოვს. თუ ბავშვთა და მოზარდთა გინეკოლოგიურ დარღვევებს კვალიფიციურმა სპეციალისტმა დროულად არ უმკურნალა, შეიძლება, მდგომარეობა გართულდეს და უშვილობამდეც კი მივიდეს საქმე. სქესობრივი მომწიფება სასქესო ორგანოები ანატომიურად ჯერ კიდევ მუცლად ყოფნის პერიოდში ყალიბდება. 3-5 წლის ასაკისთვის სრულდება სქესობრივი ცნობიერების ჩამოყალიბება. მაგალითად, ბიჭუნებმა იციან, რომ ბიჭურად უნდა ეცვათ, გოგონებივით არ ითამაშონ... ამის შემდეგ ხდება სქესობრივი თვითიდენტიფიკაცია და საპირისპირო სქესისაგან გამიჯვნა, რასაც სოციალური გარემო უწყობს ხელს. ხოლო მესამე ეტაპზე, როცა იწყება სქესობრივი მომწიფება, თავს იჩენს ლტოლვა საპირისპირო სქესის მიმართ, რასაც ცალკეული სქესისთვის დამახასიათებელი ჰორმონები განაპირობებს. ეს ჰორმონები, ე.წ. მასტიმულირებელი ნივთიერებები, თავის ტვინში მდებარე ცენტრებში წარმოიქმნება. სწორედ ისინი განაპირობებს გოგონას ორგანიზმში - საკვერცხეების, ხოლო ვაჟისაში - სათესლე ჯირკვლების "ამუშავებას". საკვერცხეები იწყებენ ქალის სასქესო ჰორმონების - ესტროგენებისა და პროგესტერონის გამომუშავებასა და სისხლში გადასროლას, რის შემდეგაც ისინი მთელ ორგანიზმს მიეწოდება. ამ ჰორმონების ზემოქმედებით გოგონებს უვითარდებათ მეორეული სასქესო ნიშნები. სათესლე ჯირკვლებში იწყება მამაკაცის მთავარი ჰორმონის, ტესტოსტერონის გამომუშავება, რომელიც ვაჟის სქესობრივ მომწიფებას გოგონებისგან განსხვავებული, მამაკაცური ტიპით წარმართავს. სქესობრივი მომწიფების ასაკი სქესობრივი მომწიფების დაწყება, ინტენსივობა და დასასრული ინდივიდუალურია. მკაცრად ჩამოყალიბებული ასაკობრივი ჩარჩოები არ არსებობს. თუმცა, ცხადია, არის ფარგლები, რომლებშიც ვარიაციები ნორმალურად მიიჩნევა. გოგონებისთვის სქესობრივი მომწიფების საწყის პერიოდად 8-დან 13 წლამდე ასაკი მიიჩნევა. მომწიფება იწყება სარძევე ჯირკვლებისა და მათი დვრილების ზრდით. შესაძლებელია, ზრდა თავიდან თანაბარი არ იყოს, მაგრამ თანდათანობით ზომები თანაბრდება. ბოქვენსა და იღლიებში ჩნდება თმიანობა, რომლის ინტენსივობა თანდათან იმატებს. იცვლება სხეულის ფორმები, გამოიკვეთება თეძოები, საცვლებზე ჩნდება საშოდან გამოყოფილი მოთეთრო ლაქა, რაც ნორმალურია, შემდეგ კი იწყება მენსტრუაცია. ამ პერიოდიდან ორგანიზმს შეუძლია ბავშვის გაჩენა, მაგრამ ეს ჯერ კიდევ არ ნიშნავს იმას, რომ გოგონას ორგანიზმი მზადაა შვილოსნობის ფუნქციის სრულყოფილი განხორციელებისთვის. სქესობრივი მომწიფება მენსტრუაციის დაწყების შემდეგაც გრძელდება და სრულდება მენარქედან (პირველი მენსტრუაციიდან) 3-4 წლის შემდეგ. ვაჟებს სქესობრივი მომწიფება უფრო გვიან, 11-14 წლის ასაკში ეწყებათ. გარეგნულად ეს იმით ვლინდება, რომ მოზარდებს უვითარდებათ კუნთები, უგანიერდებათ მხრები, უბოხდებათ ხმა, ეზრდებათ სათესლე ჯირკვლები და სასქესო ასო, ბოქვენსა და იღლიებში ჩნდება თმა. ვაჟებს, გოგონებისგან განსხვავებით, თმიანი საფარი სახესა და მკერდზეც უვითარდებათ. პერიოდულად ხდება უნებლიე ერექციები. ვაჟებში სქესობრივი მომწიფების პერიოდი 3-4 წელი გასტანს. სქესობრივი მომწიფების ძირითად ნიშნად გოგონებში მენსტრუაცია მიიჩნევა, ხოლო ვაჟებში - სპერმის უნებლიე გამოყოფა. ოფლიანობა და გამონაყარი სახეზე ჭარბი ოფლიანობა მოზარდობის პერიოდში ორგანიზმის ცხოველმყოფელობის გაზრდითაა გამოწვეული. ამ პრობლემის მოსაგვარებლად შხაპის ხშირი მიღება და ოფლის საწინააღმდეგო საშუალებების გამოყენებაა რეკომენდებული. ცხიმიანობის მომატებას, ორგანიზმის გაძლიერებული ცხოველმყოფელობის გარდა, სასქესო ჰორმონების ზემოქმედებაც განაპირობებს. სახელდობრ, ტესტოსტერონი, რომელსაც მცირე რაოდენობით საკვერცხეებიც გამოიმუშავებს, ცხიმოვან ჯირკვლებს ზედმეტად ააქტიურებს. ჰიგიენის დაცვით - შხაპის ხშირი მიღებით - ამ პრობლემის მოგვარებაც შეიძლება. რაც შეეხება გამონაყარს, ის უმთავრესად კანის მომატებულ ცხიმიანობას უკავშირდება. ასეთ შემთხვევაში, ინფექციის შეჭრას რომ გადავურჩეთ, მეტი ყურადღება უნდა მივაქციოთ კანის სისუფთავეს (დაბანა, სპეციალური ლოსიონით გაწმენდა და სხვა). ამას გარდა, არსებობს სპეციალური, ძალზე ეფექტური კრემები და მალამოები. გამონაყარიდან ჩირქის ძალით გამოდენა, მით უფრო - ჰიგიენის დაუცველად, საშიშია: გამონაყარი შეიძლება დაჩირქდეს და სახეზე ნაწიბური დატოვოს. თუკი მოზარდი გამონაყარს კოსმეტიკური საშუალებებით (პუდრით, კრემით) იფარავს, დაწოლამდე სახე ლოსიონით უნდა გაიწმინდოს ან ჩამოიბანოს. თუ გამონაყარი სახეზე ან სხეულზე მეტისმეტად შესამჩნევია და გოგონას ჭარბთმიანობაც აღენიშნება, უნდა ვიფიქროთ, რომ ორგანიზმში ჰორმონული დარღვევები მიმდინარეობს. ასეთ დროს აუცილებელია კვალიფიციური ექიმ-რეპროდუქტოლოგის კონსულტაცია, შესაბამისი გამოკვლევების ჩატარება და ზუსტი დიაგნოზის დასმა. ჭარბთმიანობა ჭარბთმიანობა ყოველთვის ჰორმონულ დარღვევებზე არ მიუთითებს, ეს შეიძლება მემკვიდრეობითი ფაქტორითაც იყოს განპირობებული, მაგრამ თუ გოგონას სწორედ გარდატეხის პერიოდში დაეწყო ჭარბთმიანობა და თან მენსტრუაციული ციკლის დარღვევაც აღენიშნება, პირველ ყოვლისა, ჰორმონული დარღვევები უნდა ვიეჭვოთ. თუ დიაგნოზი სწორად და დროულად დაისვა, ამ პრობლემის მოგვარება ძნელი არ გახლავთ. მენსტრუაცია მენსტრუაცია ეწოდება სისხლიან გამონადენს, რომელიც საშვილოსნოს შიდა, ლორწოვანი გარსის ციკლური ჩამოფცქვნის შედეგად ვითარდება. ისევე, როგორც სქესობრივი მომწიფების, მენსტრუაციის დაწყების ასაკიც ინდივიდუალურია. მეტწილად იგი 12-14 წლის გოგონებს ეწყებათ. პათოლოგიად მიიჩნევა მისი დაწყება 8 წლამდე ან 15 წლის შემდეგ. ასეთ შემთხვევაში მიზეზის დასადგენად რეპროდუქტოლოგს უნდა ეწვიოთ. სათქმელია ისიც, რომ მენსტრუაციის დაწყების ვადაზე გარკვეულწილად სხეულის მასაც მოქმედებს; მეტისმეტად გამხდარ გოგონებს ის შედარებით გვიან ეწყებათ, მსუქნებს კი - უფრო ადრე. მენსტრუაციული ციკლისა და მენსტრუაციის ხანგრძლივობა ინდივიდუალურია. აუცილებლად უნდა აღვნიშნოთ, რომ ეს ორი სხვადასხვა ცნებაა, რომლებიც ხშირად ერევათ ერთმანეთში. მენსტრუაციული ციკლის ხანგრძლივობა გულისხმობს პერიოდს ერთი მენსტრუაციის დაწყებიდან მომდევნო მენსტრუაციის დაწყებამდე. ეს ციკლი ყველაზე ხშირად 28-დღიანია, თუმცა, საზოგადოდ, ესეც სრულიად ინდივიდუალურია და თუ ქალს მენსტრუაცია 21-დან 35 დღემდე შუალედში რეგულარულად მოსდის, ეს დარღვევად არაა მიჩნეული. აქაც არსებობს მცირე (3-დღიანი) გადახრები. შეკავება შესაძლებელია 10-14 დღითაც კი, ვთქვათ, კლიმატის ცვლილების ან მღელვარების გამო. ასეთი რამ ექიმის ჩარევას არ მოითხოვს, მაგრამ თუ ასეთი დარღვევები მეორდება და თანაც სტრესის გარეშე, ეს უკვე პათოლოგიაა. მენსტრუაციის ხანგრძლივობა სისხლდენის ხანგრძლივობას გულისხმობს. ესეც ინდივიდუალურია, საშუალოდ - 2-დან 7 დღემდე. ექიმთან მისასვლელად ნებისმიერ ასაკში საკმაო საფუძველია მენსტრუაციულ გამონადენში კოლტების არსებობა, რომლებიც ზომით ყურძნის მარცვალს აღემატება, ჭარბი გამონადენი, სისუსტე, თავბრუსხვევა, სიფერმკრთალე, 7 დღეზე მეტი ხანგრძლივობის სისხლდენა ან ძალიან ხანმოკლე და მცირე მენსტრუაციული გამონადენი. თავისებურებები მენსტრუაციული ციკლის ჩამოყალიბებაში ციკლის ჩამოყალიბების პერიოდში ყველაზე ხშირი პრობლემა არარეგულარული მენსტრუაციებია. ციკლის ჩამოყალიბების პერიოდად, ჩვეულებრივ, 1-2 წელი ითვლება, მაგრამ თუ მშობელმა ამ დროის გასვლამდეც შეამჩნია სერიოზული გადახრები, აჯობებს, ბავშვთა და მოზარდთა გინეკოლოგს მიმართოს. განსაკუთრებით საყურადღებოა ე.წ. იუვენილური, მოზარდობის პერიოდის სისხლდენები, რომელთაც ხანგრძლივი და ჭარბი სისხლიანი გამონადენის ფონზე ძლიერი ანემიის გამოწვევა შეუძლია და გამორიცხული არ გახლავთ, სიცოცხლისთვისაც კი სახიფათო აღმოჩნდეს. ასეთ დროს გოგონას ბედს ექიმთან დროულად მისვლა წყვეტს. მტკივნეული მენსტრუაცია მტკივნეული მენსტრუაციის მიმართ ხალხს არაერთგვაროვანი დამოკიდებულება აქვს. ბევრი მტკივნეულ მენსტრუაციას ნორმად მიიჩნევს, განსაკუთრებით - პირველ დღეებში. მენსტრუაციის დაწყების წინ და პირველ დღეებში წელის არესა და მუცლის ქვედა ნაწილში ხანმოკლე, სუსტი ტკივილი ექიმის ჩარევას არ მოითხოვს, მაგრამ თუ ტკივილი ძლიერია, თუ ღებინებაც სდევს თან და ქალიშვილს მხოლოდ ტკივილგამაყუჩებელი ჰგვრის შვებას, აჯობებს, ექიმს მიმართოთ. მენსტრუაციის დროს ასეთ ტკივილებს იწვევს თანაფარდობის დარღვევა პროგესტერონსა და პროსტაგლანდინებს შორის (ეს საშვილოსნოს შეკუმშვას განაპირობებს, რაც ტკივილით ვლინდება). ბალანსის დარეგულირება ადვილად შეიძლება არასაინიექციო პრეპარატებით და უკვე პირველსავე ციკლში საგრძნობ შედეგს იძლევა, ხოლო შემდგომი მკურნალობით პრობლემა საერთოდ იხსნება. რჩევები დედებს: დედამ გოგონას მენსტრუაციული კალენდრის წარმოება უნდა ასწავლოს. ასეთი კალენდარი მენსტრუალური ციკლის, მენტრუაციის ხანგრძლივობისა და ხასიათის დადგენის საშუალებას იძლევა. გოგონას უნდა ვასწავლოთ ისიც, რომ მენსტრუაციის დროს ჰიგიენური პროცედურების ჩატარება უფრო ხშირადაა საჭირო, არასასურველია ძლიერი ფიზიკური დატვირთვა და გაციება. განმარტებები
|
გზამკვლევი
პროექტები
|
ვიზიტზე ჩაწერა
დედის სკოლა
|
რა გაფეხებს?
შეკითხვის გამოგზავნა
|
დაათვალიერე და დარწმუნდი
პრეტენზიების ბიურო
|
შეღავათიანი სერვისები
მთვლელები
|