დავით კობეშავიძე: ,,მოვდუნდით... რა გვჭირს?!"

არ ვიცი, იქნებ მე მეჩვენება, მაგრამ მგონია, რომ მოვდუნდით. 
ხალხზეა ლაპარაკი, თორემ პრემიერს, ჯანდაცვის მინისტრს და მთავრობის სხვა წევრებს სახეზე აწერიათ მათ მიერ გაწეული ტიტანური შრომის კვალი, ექიმებზე რომ აღარაფერი ვთქვათ. 
ქუჩებში ისევ მომრავლდა მანქანები; 
მეტიც, დღეს დიდი დიღმის ერთ-ერთ საფეხბურთო მოედანზე ბურთსაც აგორებდნენ.
რა გვჭირს? შეხედეთ რა ხდება მსოფლიოში; ასეთი ბედი გინდათ ვიწვნიოთ? !
მერწმუნეთ, ჩვენი რიცხობრიობიდან გამომდინარე, ერის არსებობა დადგება კითხვის ნიშნის ქვეშ თუ ჩვენთან ეპიდემიამ იგივე მასშტაბები მიიღო;
ცოტაც, ცოტაც მოვითმინოთ, გვირაბის ბოლოს სულ ახლოს ჩანს სინათლე; ძალიან ცოტა დაგვრჩა საერთო გამარჯვებამდე;  
დავრჩეთ სახლში, აუცილებლად დავრჩეთ სახლში!
ქვეყანაში მხოლოდ სამედიცინო დაწესებულებები, პოლიცია და სხვა სწრაფი რეაგირების სამსახურები მუშაობენ, ვინაიდან და რადგანაც საგანგებო მდგომარეობაა...
და ნუთუ ამდენი მანქანის მძღოლი ან მგზავრი ექიმი, პოლიციელი ან მეხანძრეა? 
ვინც მუშაობს ის ხომ სამსახურშია?
 საჭესთან ხომ ვერ იჯდება? 
გარეთ ვინღა დადის ამ მანქანებით?...
დინჯად მოვიქცეთ, ამდენი ნაშრომი წყალში არ ჩაგვეყაროს...
ყველამ ვიგრძნოთ  ჩვენი პასუხისმგებლობა ქვეყნის წინაშე!
მესმის, ბევრი პრობლემის წინაშე დავდექით, მაგრამ ჩვენთვის სიცოცხლე ყველაზე  სანუკვარია;
გავუფრთხილდეთ ერთმანეთს!

დავით კობეშავიძე
​,,იმედის კლინიკის" დირექტორი

გაზიარება