მეტი პოზიტივი ორსულს - ,,იმედის კლინიკა" ორსულის ოჯახის წევრებს მიმართავს

,,იმედის კლინიკა“ მიმართავს იმ ოჯახებს სადაც ორსულები ცხოვრობენ:

კორონავირუსის გავრცელებამ კორექტირება შეიტანა ოჯახის ყოველდღიურ ცხოვრებაში და შექმნა განსაკუთრებული სიტუაცია, რომლის თანმხლებია გარკვეული სტრესი, დაძაბულობა, უარყოფითის მოლოდინი;

ყოველივე ამან ორსულის ჯანმრთელობაზე შეიძლება  უარყოფითი გავლენა მოახდინოს;

სწორედ ამიტომ, მოგმართავთ შემდეგი თხოვნით:
​

• უპირველეს ყოვლისა, დარჩით სახლში! - თუ გადაუდებელი აუცილებლობა არ არის ნუ გახვალთ ქუჩაში;
• ოჯახში ნუ შექმნით სტრესულ სიტუაციებს, ნუ დანერგავთ შიშს და პანიკას
• მაქსიმალურად ეცადეთ ოჯახში შექმნათ დადებითი ფსიქო-ემოციური განწყობა
• რაც შეიძლება მეტი პოზიტივი აჩუქეთ ორსულს
• ორსულის თანდასწრებით თავი შეიკავეთ კორონავირუსის შედეგებისა თუ შესაძლო შედეგების განხილვისგან;
• ეცადეთ მაქსიმალურად შესაძლო ფარგლებში შეზღუდოთ ტელევიზიით თუ სხვა საშუალებებით უარყოფითი თუ შემაშფოთებელი ინფორმაციების ყურება, მოსმენა თუ წაკითხვა; გამოიყენეთ ეს საშუალებები ოჯახში პოზიტიური გარემოს შექმნისთვის (ფილმები, მუსიკა, გართობა და ა.შ.)
• მაქსიმალურად შეზღუდეთ ოჯახში სტუმრების მოსვლა;
• განუხრელად დაიცავით ჰიგიენის წესები;

გთხოვთ,  გაითვალისწინოთ ჩვენი რეკომენდაციები და მაქსიმალურად დაიცვათ ორსული უარყოფითი ზეგავლენებისგან.

გაზიარება