მშობიარობა უმტკივნეულოდ

მშობიარობა და ლოგინობის ხანა - ვრცლად

​თუ გსურთ თქვენი მშობიარობა შეუფერხებლად და რაც შეიძლება უმტკივნეულოდ წარიმართოს, საჭიროა მოემზადოთ არა მხოლოდ ფიზიკურად, არამედ გონებრივადაც. ქალებისთვის, რომლებიც ფსიქოლოგიურად მზად არიან მშობიარობისთვის, შეუდარებლად უფრო ადვილია მშობიარობა.

მშობიარობის დროს სწორად ორგანიზებული სუნთქვა ამცირებს ტკივილს, ხელს უწყობს მშობიარობის მიმდინარეობას და უზრუნველყოფს ბავშვისთვის ჟანგბადის ადეკვატურ მიწოდებას. მშობიარობის დაწყებამდე შეგიძლიათ დაეუფლოთ სუნთქვის ვარჯიშებს, მნიშვნელოვანია სუნთქვის ყველა ეტაპის დაუფლება. ერთი შეხედვით, ეს რთულია. მაგრამ თუ ყოველდღიურად ავარჯიშებთ უნარ-ჩვევებს თქვენ შეძლებთ სწორად სუნთქვას მასზე ფიქრის გარეშე.

სუნთქვითი ვარჯიშების ხანგრძლივობა არ უნდა აღემატებოდეს დღეში 10 წუთს. უფრო ხშირად და გახანგრძლივებულმა სუნთქვითმა ვარჯიშებმა შეიძლება გამოიწვიოს ნახშირორჟანგის კონცენტრაციის შემცირება სისხლში და თავბრუსხვევა.

გთავაზობთ მშობიარობის სხვადასხვა პერიოდზე მორგებულ სუნთქვის გარკვეულ წესებს:

ნელი სუნთქვა

მშობიარობის საწყის ეტაპზე უმჯობესია ნელა ისუნთქოთ და ასე სუნთქვა გააგრძელოთ, სანამ ეს დაგეხმარებათ. ზოგიერთი ქალისთვის ამ ტიპის სუნთქვა ყველაზე შესაფერისია მშობიარობის მთელი პერიოდის განმავლობაში. ნებისმიერ შემთხვევაში, შეგიძლიათ ისუნთქოთ ნელა, სანამ ის "მუშაობს", ინტენსიური შეკუმშვებამდე.

როდესაც შეკუმშვა დასრულდება, ამოისუნთქეთ სრულად, მოდუნდით. დაისვენეთ, შეცვალეთ თქვენი სხეულის პოზიცია, თუკი ეს მოგეწონებათ.

მსუბუქი (აჩქარებული) სუნთქვა

თუ შეკუმშვა უკვე აშკარად ინტენსიურია და გრძნობთ, რომ ნელი სუნთქვა ტკივილს აღარ გიხსნით, გადადით სწრაფ სუნთქვაზე. სწრაფად შეისუნთქეთ და ამოისუნთქეთ წამში დაახლოებით 1-ჯერ. შესაძლებელია სუნთქვის სიხშირის ცვლილება წამში 2-ჯერ 1 წამში 1 ჯერზე. შეეცადეთ ისუნთქოთ სხვადასხვა ტემპით, ასე თავს უფრო კომფორტულად იგრძნობთ. აღნიშნული სახის სუნთქვა არ უნდა იყოს ღრმა.

ალტერნატიული სუნთქვა

შეკუმშვის დაწყებისთანავე, თქვენ უნდა ისუნთქოთ ნელა, შემდეგ კი სუნთქვა თანდათან უნდა ააჩქაროთ; სუნთქვა უნდა იყოს ზედაპირული. შეკუმშვის ინტენსივობის შემცირებით სუნთქვა კვლავ შეანელეთ სუნთქვა. შეკუმშვებს შორის შეეცადეთ დაისვენოთ და შეიცვალოთ პოზიცია.

ყველაზე ინტენსიური შეკუმშვების დროს, მას შემდეგ, რაც ალტერნატიული სუნთქვას გამოიყენებთ, ძალზე ძნელია მოდუნება. ამ მომენტში იფიქრეთ თქვენ შვილზე, ეს დამატებით ძალა მოგცემთ;

როდესაც ნაყოფის თავი მენჯის ღრუში ჩადის, გაჩნდება სურვილი, რომ უბიძგოს. ექიმი ყოველთვის არ იძლევა საშუალებას, რბილი ქსოვილების გახეთქვის თავიდან ასაცილებლად. ეს პერიოდი დაახლოებით 15 წუთს გრძელდება, მაგრამ შეკუმშვა შეიძლება ძალიან ინტენსიური იყოს.

"აქტიური" პოზიცია

ტკივილის შემცირების ერთ-ერთი ფაქტორია აქტიური ქცევა. ეს ნიშნავს პოზიციების შეცვლას და ოთახში გადაადგილებას, სხეულის ყველაზე კომფორტული პოზიციის პოვნას. მოძრაობა მნიშვნელოვნად ამცირებს ტკივილის საერთო შეგრძნებას.

ტკივილის დონე დამოკიდებულია ცირკულაციაზე. სხეულის სტაციონარული მდგომარეობით, სისხლის საერთო ნაკადის შემცირება ხდება, საშვილოსნოში ჟანგბადის მიწოდება ნელდება და ტკივილის შეგრძნებები იზრდება. თუ მშობიარე ქალი პალატის გარშემო დადის ან კომფორტულ მდგომარეობაში მოძრაობს, მოძრაობა ზრდის სისხლის ნაკადის დონეს და საშვილოსნოს უჯრედები ჯერდება ჟანგბადით. იმ შემთხვევაშიც კი, როდესაც სამედიცინო მიზეზების გამო მშობიარე ქალი ვერ დგება, შეკუმშვის დროს მას შეუძლია აქტიურად მოიქცეს  საწოლშივე, ეს მცირე მოძრაობები შესამჩნევად შეამცირებს შეკუმშვის ტკივილს.

ტკივილის შეგრძნება დამოკიდებულია ზოგად დაძაბულობაზე. რაც უფრო მეტად ვიძაბებით, მით უფრო მძლავრდება ტკივილი და პირიქით. შეკუმშვის დროს, როდესაც საშვილოსნო იძაბება და მტკივნეული შეგრძნებები იჩენს თავს, ზოგი ქალი ინსტიქტურად "იყინება", მთლიანად აჩერებს მოძრაობას. ამ ქცევას არ მოაქვს შვება -: "გაყინვა" ტკივილის მკვეთრ ზრდას იწვევს. 

სამშობიაროში ტკივილის შესამსუბუქებლად მშობიარეს საშუალება აქვს გამოიყენოს რეზინის ტანვარჯიშის ბურთი - ფიტბოლი. ფიტბოლის დახმარებით შეგიძლიათ მიიღოთ სხვადასხვა პოზა.

მშობიარობის დროს მოძრაობა შეიძლება ძალიან მრავალფეროვანი იყოს, მაგრამ არსებობს ერთი მნიშვნელოვანი შეზღუდვა. არც ერთ ეტაპზე არ უნდა გააკეთოთ უეცარი, იმპულსური მოძრაობები.

მშობიარობის დროს აქტიური ქცევა არ საჭიროებს სპეციალურ ფიზიკურ მომზადებას. მშობიარობის "აქტიური" ტკივილის შესამცირებლად საჭიროა მხოლოდ ცოდნა.

მასაჟი

მასაჟი წამლის გარეშე მშობიარობის დროს ტკივილის შესამსუბუქებლად კიდევ ერთი ეფექტური გზაა. შეკუმშვის დროს სხეულზე გარკვეული წერტილებისა და ზონების სტიმულირებით, მომავალ დედას შეუძლია დამოუკიდებლად მოაწესრიგოს ტკივილის იმპულსი, შეამციროს ტკივილის დონე და მოდუნდეს.

ყველაზე ცნობილი მასაჟის ადგილია ზურგის ქვედა ნაწილი, უფრო სწორედ საკრალური მიდამო. შეკუმშვის დროს საკრალური ზონის სტიმულირებით მშობიარე ქალი ბლოკავს ნერვის იმპულსის გადაცემას, ამით ამცირებს ტკივილს. 

მედიკამენტები

ტკივილის შემსუბუქების სამედიცინო მეთოდები ხელმისაწვდომია და გამოიყენება თითქმის ყველა სამშობიაროში. მშობიარობის თითოეულ ეტაპზე გამოიყენება გარკვეული სახის ტკივილის შემსუბუქება. კონკრეტული პრეპარატის არჩევას ახორციელებს მხოლოდ ექიმი, კონკრეტულ მომენტში შექმნილი სიტუაციიდან გამომდინარე. მაგრამ ანალგეტიკებს არ შეუძლიათ სრული ანესთეზიის მოტანა, ისინი მხოლოდ არბილებენ შეგრძნებების სიმძიმეს.

ეპიდურული გაუტკივარება

ეს მშობიარობის ტკივილის შემსუბუქების ყველაზე თანამედროვე მეთოდია. ასეთი წარმოუდგენელი პოპულარობის მიზეზი არის ტკივილის თითქმის სრულად აღმოფხვრა, მიუხედავად იმისა, რომ მშობიარე ქალი ინარჩუნებს გარკვეულ ცნობიერებას. მეთოდის არსია ზურგის ტვინის ეპიდურული სივრცეში საანესთეზიო საშუალების შეყვანა (წელის არეში). ამ შემთხვევაში ზურგის ტვინის დაზიანება შეუძლებელია, ვინაიდან ზურგის არხში მხოლოდ ნერვის ფესვებია წელის მალების დონეზე.

აღსანიშნავია, რომ ამ დროს მშობიარე შესანიშნავად აცნობიერებს რა ხდება, თავს კომფორტულად გრძნობს, შეუძლია სხვებთან ურთიერთობა და არ კარგავს აქტიურობას. სხვათა შორის, საკეისრო კვეთაც კი ტარდება ეპიდურული ანესთეზიის ქვეშ, რაც ქალს შესაძლებლობას აძლევს დაბადებიდან დაუყოვნებლივ ნახოს ბავშვი და მიამაგროს მკერდზე.

ეპიდურული ანესთეზია არანაირად არ მოქმედებს ძუძუთი კვებაზე. პირიქით, ახალშობილის გამოკვება შესაძლებელია მშობიარობისთანავე.

ეპიდურული ანესთეზია, ისევე როგორც ნებისმიერი ტკივილის შემსუბუქება, აქვს მთელი რიგი უკუჩვენებები. ანესთეზიის ჩატარების შესახებ გადაწყვეტილებას იღებს ანესთეზიოლოგი, მეან-გინეკოლოგთან ერთად. ქალის სურვილი მხედველობაში მიიღება, მაგრამ არაა გადამწყვეტი.

ბავშვის დაბადება ყველაზე მშვენიერი მოვლენაა ქალის ცხოვრებაში. რა თქმა უნდა, ამ მოვლენის წინა პროცესი დიდ ძალასა და მოთმინებას მოითხოვს მომავალი დედისგან. 

გაზიარება