ორსულ ქალთა დისტანციური კონსულტაცია

16 სექტემბრიდან ​,,იმედის კლინიკაში" ორსულ ქალთა დისტანციური კონსულტაცია ამოქმედდება.

​ამ ტიპის სერვისი ნოვაციურია და საქართველოში პირველად სწორედ ,,იმედის კლინიკაში" დაინერგა.

ორსულ ქალთა დისტანციური კონსულტაცია ემსახურება იმ ორსულებს, რომლებსაც მოცმულ ეტაპზე ესაჭიროებათ სპეციალისტის კონსულტაცია;

ასეთი სახის კონსულტაცია გამოირჩევა რიგი უპირატესობებით, მათ შორის:
​

• გეოგრაფიული ხემისაწვდომობა - დისტანციური კონსულტაცია შეუძლია მიიღოს ყველა ორსულმა, მიუხედავად ადგილმდებარეობისა, როგორც საქართველოს ტერიტორიიდან, ასევე უცხოეთიდან
• ფინანსური ხელმისაწვდომობა - ამ ეტაპზე ჩვენთან დისტანციური კონსულტაცია სრულიად უფასოა

​შესაბამისად, კონსულტაციის მიმღებს ექმნება სრული კომფორტი, ვინაიდან ის ექიმს ესაუბრება მისთვის მისაღები გარემოდან (სახლი, სამსახური, სხვადასხვა თავშეყრის ადგილი და ა.შ.)

პირველი კითხვა, რაც კონსულტაციის მიღების მსურველს უჩნდება, ეს არის თუ რამდენად სრულყოფილი და შესაბამისად, ეფექტური იქნება  დისტანციური გზით კონსულტაციის მიღება; 

განვმარტავთ:

დისტანციური კონსულტაცია არის ინდივიდუალური, რომელშიც მონაწილეობას ღებულობენ ორსული და ექიმი-სპეციალისტი; ჩვენი პროექტის შემთხვევაში აღნიშნული ურთიერთობა მყარდება ვიდეო გამოსახულების თანხლებით; 

ასევე, ორსულს საშუალება ეძლევა ექიმ-სპეციალისტს ვიზუალურად გააცნოს სხვადასხვა გამოკვლევის შედეგები (ექოსკოპია, ლაბორატორიული გამოკვლევა და ა.შ.), რაც საგრძნობლად ზრდის კონსულტაციის ეფექტურობას და პრობლემის გადაჭრის საშუალებას;

დისტანციური კონსულტაცია ითვალისწინებს: ანამნეზის შეკრებას, გამოკვლევების შედეგების განხილვას (ასეთის არსებობის შემთხვევაში), პრობლემის გადასაჭრელად სამკურნალო-პროფილაქტიკური სტრატეგიის დაგეგმვას და ა.შ.

დისტანციური კონსულტაციის მისაღებად საჭიროა მხოლოდ ერთი პირობა: თქვენ მოწყობილობას (მობილური ტელეფონი ან ნებისმიერი სახის კომპიუტერული ტექნიკა) წვდომა უნდა ჰქონდეს ინტერნეტთან ​

ხართ ორსული და გაქვთ შეკითხვები, ან გაინტერესებთ აღრიცხვაზე დადგომა და ა.შ. შეგიძლიათ თუ არა ასეთ დროს დისტანციური კონსულტაციით სარგებლობა?

დიახ, შეგიძლიათ და მეტიც, ეს იქნება საუკეთესო საშუალება, რომ თქვენი ორსულობა პირველივე კვირეებიდან სპეციალისტის სრული პატრონაჟით მიმდინარეობდეს; ასეთ შემთხვევაშიც, დისტანციური კონსულტაციის შემდგომი ვიზიტი ,,იმედის კლინიკაში" იქნება თქვენთვის მაქსიმალურად კომფორტული;

დისტანციური კონსულტაციის მისაღებად აუცილებელი იქნება წინასწარი ჩაწერა.

გაზიარება