შეიძლება თუ არა ორსულისთვის მედიკამენტის მიღება - სპეციალისტის 6 რჩევა

თუ ორსულად ხარ - განსაკუთრებული სიფრთხილე უნდა დაიცვა მედიკამენტების მიღების დროს. სპეციალისტის დანიშნულების გარეშე მიღებულმა მედიკამენტმა შესაძლოა გამოუსწორებელი შედეგი გამოიღოს როგორც შენთვის, ასევე ნაყოფის ჯანმრთელობისთვის;

ყოველივედან გამომდინარე, მედიკამენტების მიღებასთან დაკავშირებით ყოველთვის გაითვალისწინე სპეციალისტის ეს ექვსი რჩევა:

1.

მხოლოდ მეან-გინეკოლოგი, რომელიც კარგად იცნობს შენი ჯანმრთელობის მდგომარეობას, იღებს გადაწყვეტილებას ამა თუ იმ მედიკამენტის მიღების შესახებ.

2.

დაუშვებელია თვითმკურნალობა. არ მოიტყუო თავი თითქოსდა უვნებელი ბალახეული პრეპარატებით, რადგან "ნატურალური" "უსაფრთხოს" სინონიმი არ არის.

3.

არ აჰყვე სხვების რჩევებს; ,,მე ორსულად რომ ვიყავი ამ წამალმა მიშველა" - ასეთ რჩევას ხშირად მოისმენ, მაგრამ არასდროს არ ისარგებლო აღნიშნული რჩევით.

4.

ჰკითხე შენ ექიმს, რომელი პრეპარატის მიღება შეიძლება თავის ტკივილის, მაღალი ტემპერატურის, სეზონური ალერგიის, არტერიული წნევის მომატების შემთხვევაში, ტოქსიკური ჩიყვის ან შაქრიანი დიაბეტის დროს. ექიმთან ერთად შეარჩიე ყველა პრეპარატის ეფექტური დოზა და მკურნალობის მაქსიმალურად მოკლე კურსი.

5.

დაუყოვნებლივ შეატყობინე ექიმს ნებისმიერი გვერდითი მოვლენის ან უსიამოვნო შეგრძნების შესახებ, თუ გაგიჩნდა ეჭვი, რომ ის მიღებულმა პრეპარატმა გამოიწვია.


6.

ნებისმიერ შემთხვევაში დანიშნულება ექიმმა უნდა მოგცეს. ის შეგირჩევს მკურნალობის ფორმას, რომელიც არ ავნებს განვითარებად ნაყოფს ან არ წაგართმევს ძუძუთი კვების უფლებას.

გაზიარება