|
ყელ-ყურ-ცხვირის პათოლოგიების კაბინეტი ემსახურება ბავშვებს 0-დან 18 წლამდე და აერთიანებს შემდეგ სერვისებს:
- გარეთა და შუა ოტიტების მკურნალობა - გარეთა სასმენი მილიდან საცობების მოცილება - მწვავე და ქრონიკული რინიტების მკურნალობა - მწვავეე და ქრონიკული ნაზოფარინგიტების მკურნალობა -ნუშურების და ადენოიდების მწვავე და ქრონიკული დაავადებების მკურნალობა -ყურის გამორეცხვა და დამუშავება სმენის სკრინინგი სმენის პრობლემების საპროფილაქტიკო კვლევა, რომელიც ჩვენთან უახლესი გერმანული აპარატურით ხორციელდება; სმენის დაკარგვის ან დაქვეითების რისკ-ფაქტორები - ბავშვობის ასაკში სმენის დაქვეითების ოჯახური ანამნეზი, - საშვილოსნოსშიდა ინფექციები, განსაკუთრებით ციტომეგალოვირუსული, - კრანიოფაციალური ანომალიები, - დაბადების ძლიერ მცირე წონა (< 1500 გრამზე), - ჰიპერბილირუბინემია (შრატში ბილირუბინის დონე შენაცვლებითი ტრანსფუზიის მაჩვენებლის ტოლი), - ოტოტოქსიური მედიკამენტების გამოყენება, - აპგარის შკალის მიხედვით 0-4 ქულა 1 წუთზე და 0-6 ქულა 5 წუთზე, - მექანიკური ვენტილაცია 5 დღე და მეტი დროის განმავლობაში, - ბაქტერიული მენინგიტი, - ნეიროდეგენერაციული დარღვევები, - პერსისტიული პულმონური ჰიპერტენზია. დამატებითი რისკ-ფაქტორები - მშობლის/მომვლელის ჩივილი სმენის დაქვეითების და/ან განვითარების შეფერხების შესახებ, - ანატომიური ანომალია, რაც იწვევს ევსტაქის მილის ფუნქციის დარღვევას, - შუა ყურის განვითარების ანომალია, - მეტყველებისა და/ან განვითარების შეფერხება, - თავის ქალის ტრამვა, - შუა ყურის ანთება გამონადენით მინიმუმ 3 თვის მანძილზე, - ნეიროგამტარებლობის დარღვევები. რისკ-ფაქტორების მქონე ჯგუფი მუდმივად უნდა იყოს აუდიომეტრიული კონტროლს ქვეშ. 0-6 თვე ყველა ახალშობილს უნდა ჩაუტარდეს სმენის სკრინინგი სამშობიაროში. თუ სამშობიაროში სკრინინგი არ ჩატარდა, მისი ჩატარება აუცილებელია სიცოცხლის პირველი თვის განმავლობაში. სმენის დაქვეითების ან არარსებობის დროული აღმოჩენა მეტად მნიშვნელოვანია, რადგან მან შეიძლება გამოიწვიოს მეტყველების, კოგნიტური და სოციალურ ემოციური განვითარების ჩამორჩენა. მეტად მნიშვნელოვანია: - ახალშობილის სკრინინგი სამშობიაროშივე, - საჭიროებისას რეფერალი სპეციალისტთან აუდიოლოგიური შეფასებისთვის, - სმენის თანდაყოლილი პრობლემის მქონე ჩვილთა აღმოჩენა 3 თვემდე, - ინტერვენციის დაწყება 6 თვემდე. ჩვილები, რომელთაც გაიარეს სკრინინგი, მაგრამ აღენიშნებათ რისკ-ფაქტორები, საჭიროებენ რეგულარულ სამედიცინო და აუდიოლოგიურ მონიტორინგს. 7 თვე - 3 წელი საჭიროა რისკ-ფაქტორების მქონე ბავშვების მონიტორინგი და რეფერალი აუდიოლოგიური კვლევისთვის. 4-18 წელი სმენის სკრინინგი ტარდება 4,5,6,8,10,12,15,18 წლის ასაკში. ამ ასაკში დამატებითი რისკ-ფაქტორებია: - სწავლის პრობლემების არსებობა; - სპეციალური საგანმანათლებლო პროგრამების გამოყენების აუცილებლობა; - სასწავლო წლის გამეორების აუცილებლობა. ბავშვთა ოფთალმოლოგია
პედიატრიული საავადმყოფოს ოფთალმოლოგიის კაბინეტი ემსახურება ბავშვებს 0-დან 18 წლამდე და აერთიანებს შემდეგ სერვისებს ,,იმედის კლინიკის" ბავშვთა ოფთალმოლოგიური კაბინეტი გთავაზობთ: - მხედველობის კორექცია (სათვალის დანიშვნა) - ამბლიოპიის მკურნალობა (ზარმაცი თვალი) - სიელმის მკურნალობა (პლეოპტიკა, ორთოპტიკა, ოპერაციული მკურნალობა) - ახალშობილთა დაკრიოცისტიტი (მედიკამენტოზური მკურნალობა და საჭიროების შემთხვევაში არხის ზონდირება, გამორეცხვა) მხედველობის სკრინინგი ბავშვებში ,,იმედის კლინიკის" კიდევ ერთი ნოვაციური პროექტი ,,მხედველობის სკრინინგი ბავშვებში" ნორმალური მხედველობა აუცილებელია ბავშვის ფიზიკური და გონებრივი განვითარებისთვის. მსოფლიოს განვითარებულ ქვეყნებში ყველა ჯანმრთელ ბავშვს უტარდება მხედველობის ორგანოს სკრინინგი - - ახალშობილობისა და ჩვილობის ასაკში - შუქგამტარი არეების შემოწმება - 1 წლამდე, 3 წლის და 5 წლის ასაკში ღრმა ოფთალმოლოგიური კვლევა ჯანდაცვის მსოფლიო ორგანიზაციის მონაცემების მიხედვით მხედველობის სრულყოფილი სკრინინგი თავიდან აგვაცილებს ახალშობილთა სიბრმავეს 50%-ში, ხოლო მხედველობის დაქვეითებას და სიელმეს 80% შემთხვევაში; ,,იმედის კლინიკაში" ბავშვის მხედველობის სკრინინგი ტარდება უახლესი კომპიუტერული აპარატის გამოყენებით; პროექტი მოიცავს მონიტორინგისა და პროფილაქტიკური ზედამხედველობის ეფექტურ მექანიზმებს. ,,იმედის კლინიკის" პედიატრიული საავადმყოფოს ბავშვთა ქირურგიის სამსახური რამოდენიმე კომპონენტისგან შედგება:
- დიაგნოსტიკა - ქირურგიული ოპერაცია - ოპერაციის შემდგომი პერიოდი ბავშვთა ქირურგიული დეპარტამენტის დიაგნოსტიკური კაბინეტები აღჭურვილია თანამედროვე სამედიცინო ტექნიკით; ოპერაციის შემდგომი პერიოდის მართვა მიმდინარეობს ინტენსიური თერაპიის მიმართულებით და მოიცავს პოსტოპერაციული და პოსტნარკოზული მდგომარეობის ეფექტურ პრევენციას; ბავშვთა ქირურგიულ დეპარტამენტში მიმდინარეობს როგორც გეგმიური, ასევე ურგენტული ოპერაციები. ,,იმედის კლინიკის" ბავშვთა კრიტიკული მედიცინის დეპარტამენტი უმაღლესი დონის სამედიცინო სამსახურია, რომელიც ემსახურება ბავშვებს ნოლიდან თვრამეტ წლამდე; დეპარტამენტი სრულად არის უზრუნველყოფილი ყველა საჭირო სერვისით და საშუალებებით; ბავშვთა კრიტიკული მედიცინის დეპარტამენტში ტარდება როგორც თერაპიული, ასევე ქირურგიული მკურნალობა. პედიატრიული საავადმყოფოს თერაპიის დეპარტამენტში მკურნალობა უტარდებათ პაციენტებს 1 თვის ასაკის ზემოთ;
თერაპიის დეპარტამენტში თქვენს პატარებზე იზრუნებენ ,,იმედის კლინიკის" კვალიფიციური, გამოცდილი და პროფესიონალი მედიკოსები; ეფექტური და მრავალკომპონენტური სამკურნალო პროცესების პარალელურად, თერაპიის დეპარტამენტში ზრუნავენ პაციენტისა და მისი მშობლების კომფორტზე და მათთვის სასიამოვნო გარემოს შექმნაზე; პოზიტიური განწყობა, რომელიც უდაოდ იქმნება თერაპიის დეპარტამენტში, აუმჯობესებს დაავადების გამოსავალს; იმ შემთხვევაში, თუ პაციენტი გადაუდებელი სამედიცინო დახმარების განყოფილებაში (ემერჯენსი) 24 საათზე მეტ ხანს იმყოფება, ვერ ხერხდება მისი მდგომარეობის სტაბილიზაცია, ამასთან ბინაზე მკურნალობის გაგრძელება მიზანშეუწონელია - ასეთ დროს პაციენტი თავსდება თერაპიის დეპარტამენტის სტაციონარში; თერაპიის დეპარტამენტის ამბულატორიულ განყოფილებში ხდება პაციენტების ამბულატორიული მკურნალობა და პრევენციული ღონისძიებების გატარება; პრობლემით დაინტერესებულ მშობლებს საშუალება აქვთ კონსულტაცია გაიარონ თერაპიის დეპარტამენტის ექიმ-სპეციალისტებთან. ,,იმედის კლინიკის" პედიატრიული საავადმყოფოს "ემერჯენსის" განყოფილება 24 საათის განმავლობაში მზად არის გაგიწიოთ დახმარება;
აქ თქვენ დაგხვდებათ პროფესიონალ ექიმთა გუნდი, იდეალურად სუფთა და კომფორტული გარემო; კლინიკა აღჭურვილია უახლესი სამედიცინო აპარატურით; ჩვენთან მოქმედებს სახელმწიფო სამედიცინო დაზღვევა; სადღეღამისო სამედიცინო გადაუდებელი დახმარების განყოფილება (EMERGENCY): - ცხელება - მაღალი ტემპერატურა ან გახანგრძლივებული ტემპერატურა - ბრონქოსპაზმი - შეტევითი ხველა გაძნელებული სუნთქვით - გულისრევა-ღებინება - კვებითი ინტოქსიკაციები - მუცლის მწვავე და მოვლითი ტკივილი - მწვავე ობსტრუქციული ლარინგიტი - ხმის ჩახლეჩა, ქოშინი - ალერგიული ხასიათის გამონაყარი - სხვადასხვა ტიპის ჭრილობები - ტრავმული ხასიათის დაზიანებები ,,იმედის კლინიკის" პედიატრიული საავადმყოფოს სერვისები ხელმისაწვდომია 24 საათიან რეჟიმში; ასაკობრივი კონტიგენტი, რომელსაც ვემსახურებით - 0-დან 18 წლამდე;
ძირითადი მიმართულებები: - ემერჯენსი - ბავშვთა გადაუდებელი სამედიცინო დახმარება - ბავშვთა ქირურგია - ყველა ტიპის ქირურგიული ოპერაციები - ბავშვთა თერაპია - ნეონატოლოგია - ბავშვთა და ახალშობილთა რეანიმაცია - ყელ-ყურ-ცხვირის პათოლოგია - ტრავმატოლოგია - რენტგენოლოგიური კვლევა - კლინიკო-დიაგნოსტიკური ლაბორატორია - თვალის სნეულებები - სმენის სკრინინგი პედიატრიულ საავადმყოფოში შეგიძლიათ მიიღოთ სხვადასხვა სპეციალისტების კონსულტაციები: - ოფთალმოლოგი - ოტორინოლარინგოლოგი - ნევროლოგი - ინფექციონისტი - ალერგოლოგი-იმუნოლოგი - ჰემატოლოგი - გასტროენტეროლოგი - შესაძლებელია კალენდარული აცრების ჩატარება. კლინიკა ჩართულია საყოველთაო ჯანდაცვის სახელმწიფო პროგრამაში. ,,იმედის კლინიკის" პედიატრიული საავადმყოფო არის მრავალპროფილური სამედიცინო დაწესებულება - აღჭურვილი უახლესი სამედიცინო აპარატურით და დაკომპლექტებული პროფესიონალთა გუნდით; პედიატრიული საავადმყოფო ემსახურება 0-დან 18 წლამდე ასაკის პაციენტებს; საავადმყოფოში ფუნქციონირებს რამოდენიმე განყოფილება, რომელთა ხელმძღვანელები საკმაოდ გამოცდილი პედიატრები არიან; პედიატრიული საავადმყოფო აღჭურვილია თანამედროვე სამედიცინო ტექნიკით; საავადმყოფო ჩართულის სახელმწიფო ჯანდაცვის პროგრამაში, რაც მაღალეფექტურ სამედიცინო მომსახურებას განსაკუთრებულად ხელმისაწვდომს ხდის; პაციენტისა და მისი ოჯახის წევრების მიმართ თბილი და კეთილგანწყობილი გარემო, ექიმთა გუნდის პროფესიონალიზმი და უახლესი სამედიცინო აპარატურა - ,,იმედის კლინიკის" პედიატრიული საავადმყოფოს სავიზიტო ბარათია. ,,იმედის კლინიკის" გინეკოლოგიური დეპარტამენტის ერთ-ერთი შემადგენელი სერვისია არასრულწლოვან გოგონათა გინეკოლოგია;
ამ ასაკობრივ ჯგუფში ხშირია სხვადასხვა სახის დარღვევები:
ეს და სხვა არაერთი ფაქტორი შესაძლებელია მრავალი გართულების მიზეზი გახდეს და თავი იჩინოს თქვენი შვილის გათხოვებისა და შვილოსნობის ფუნქციების გამოვლენის მომენტში. აღსანიშნავია, რომ იგივე გართულებების გამოწვევა შეუძლია არასწორ კვებას, გოგონას ფსიქო-ემოციურ მდგომარეობას, ჩაცმის სტილს და კიდევ უამრავ ფაქტორს თქვენს შვილზე დღეს ზრუნვა და ამ მიმართულებით ,,იმედის კლინიკასთან” მჭიდრო კავშირი არის თქვენივე შვილის ჯანმრთელად განვითარების, დაოჯახების შემდეგ ოჯახური ბედნიერების და უსაფრთხო დედობის საუკეთესო გარანტია! მოგვმართეთ, თუ შეაჩნიეთ შემდეგი სახის დარღვევები:
იმედის კლინიკაში" ფუნქციონირებს ორთოპედიული გინეკოლოგიისა და ქალთა რეაბილიტაციის კაბინეტი. მოგეხსენებათ, რომ მშობიარობის შემდგომ ხდება საშოს კუნთების მოდუნება, წინა ან უკანა კედლის დაწევა, საშოს ტონუსის დაქვეითება, რაც ყველა ნამშობიარები ქალისთვის დისკომფორტს წარმოადგენს. პირველადი კონსულტაცია და დიაგნოსტიკა უფასოა კაბინეტის ხელმძღვანელი: მარიამ კობეშავიძე როგორ უნდა მივხვდეთ, რომ პრობლემა გვაქვს? არსებობს გარკვეული სახის ტკივილები როგორიცაა: - წელის ტკივილი, - საშოს კედლებზე ზეწოლის ან უცხო სხეულის შეგრძნება, - პატარა მუცლის შესიების შეგრძნება, - უნებლიე შარდვა, სტრესული შარდვა, - ტკივილი სქესობრივი აქტის დროს, - ანორგაზმია და ფართო საშოს სიმპტომი. რისკ-ფაქტორებია: - მძიმე ფიზიკური დატვირთვა, - მოწევა, - ადინამია ანუ ჯდომითი საქმიანობა, - არარეგულარული სქესობრივი ცხოვრება, - რთული მშობიარობა, სამეანო ჩარევები, - გინეკოლოგიური ოპერაციები, - ანთებები შეკრულობა, - ჰემაროი და აბორტები. სწორედ ამ პრობლემების პრევენციისა და მკურნალობის მიზნით „იმედის კლინიკაში“ ფუნქციონირებს ორთოპედიული გინეკოლოგიისა და ქალთა რეაბილიტაციის კაბინეტი, სადაც დანერგილია აღნიშნული პრობლემების მკურნალობის მეთოდები ოპერაციის გარეშე. პირველადი დიაგნოსტიკა უფასოა. “იმედის კლინიკაში” ეფექტური პლასტიკური ოპერაციებით ბევრი ქალისთვის გადაუჭრელი პრობლემები მოგვარდება. პლასტიკური ოპერაციები ,,იმედის კლინიკაში": - საშოს წინა კედლის დაწევა (ცისტოცელე, წინა კოლპოპლასტიკა) - საშოს უკანა კედლის დაწევა (რექტოცელე, უკანა კოლპოპლასტიკა) - სასირცხო ბაგეების დეფორმაცია - საშვილოსნოს ყელის პლასტიკა - მშობიარობის შემდგომი უხეში ნაწიბური შორისზე და საშოში; სასქესო ორგანოების ფორმისა და სტრუქტურის კორექცია ინტიმური პლასტიკის მეშვეობით თანამედროვე ქალბატონებში განსაკუთრებით პოპულარულია. „იმედის კლინიკაში" შექმნილია მძლავრი გინეკოლოგიური სექტორი, როგორც სამკურნალო, ასევე ოპერაციული გინეკოლოგიის განხრით; ჩვენთან წარმატებით ფუნქციონირებს ოპერაციული გინეკოლოგიის ახალი მიმართულება - ე.წ. პლასტიკური გინეკოლოგია, რომელიც ჩვენი საზოგადოებისათვის პროგრესული მოვლენა გახლავთ. აღნიშნული ოპერაციული ჩარევა ქალს აძლევს საშუალებას, მიხედოს საკუთარ ჯანმრთელობას, როგორც შინაგანი დაავადებების სამკურნალოდ, ამავე დროს ესთეტიური დეფექტის გამოსასწორებლადაც. სამწუხაროდ, ამ თემაზე საუბარი და, მით უმეტეს, ექიმთან ვიზიტი ბევრი ქალისთვის უხერხულობასთან და სირცხვილთან ასოცირდება, თუმცა, გვინდა მოვუწოდო ქართველ მანდილოსნებს მიხედონ საკუთარ დელიკატურ პრობლემებს, რაც გარეგნულ მხარესთან ერთად, საშარდე თუ სასქესო გზების მუდმივ ანთებით პროცესებს იწვევს. ინტიმური პლასტიკა არის საშუალება გარეთა სასქესო ორგანოების ნაკლის მოსაშორებლად ან დაკარგული ფუნქციების აღსადგენად. როგორც წესი, აღნიშნული პრობლემები აწუხებთ ქალებს, რომელთაც ჰქონდათ გართულებული მშობიარობა (ჩაჭრებით და ჩახევებით), მშობიარობის შემდგომი ტრავმების შედეგად დაზიანებული აქვთ გარეთა სასქესო ორგანოები. „იმედის კლინიკის" პლასტიკური ქირურგიის დეპარტამენტიში მუშაობს უცხოეთში გადამზადებული პროფესიონალ გინეკოლოგთა გუნდი. ჩვენ ქალებს ვაძლევთ საშუალებას, მარტივად და, რაც მთავარია, ხელმისაწვდომ ფასებში გალამაზდნენ და თავი დაიცვან იმ სერიოზული პრობლემებისაგან, რაც შეიძლება გამოიწვიოს დაზიანებულმა სასქესო ორგანოებმა. ოპერაციები კეთდება უახლესი მეთოდებით და, შესაბამისად, მაქსიმალური შედეგებით. ამავე დროს მიმდინარეობს მოლაპარაკებები ლატვიელებთან და ვაპირებთ, „იმედის კლინიკაში" გავაკეთოთ პლასტიკური ოპერაციები ლაზერის მეშვეობით. ოპერაციები გრძელდება დაახლოებით 15 წუთი. ამჟამად ჩვენთან ხდება დიდი და მცირე სასირცხვო ბაგეების კორექცია, მშობიარობის შემდგომი ნაწიბურის ამოკვეთა საშოს უკანა კედლის პლასტიკით, საშოს კედლების პლასტიკა, საშვილოსნოს ყელის პლასტიკა და სხვა. გართულებული მშობიარობის დროს ხდება საშოს როგორც უკანა, ისევე წინა კედლების დაწევა. ასეთ დროს ნაწლავის ჩხირი ძალიან მარტივად ხვდება სასქესო გზებში, რაც იწვევს საშვილოსნოში და შარდის ბუშტში ანთებითი პროცესების წარმოშობას, ვინაიდან დაზიანებული გარეთა სასქესო ორგანოები მუდმივი ინფექციის კერაა. მშობიარობის შემდგომ გაწელილი საშოს კუნთები ვეღარ ასრულებენ თავის ფუნქციას და შეიძლება ვერ შეიკავონ შარდის ბუშტი და სწორი ნაწლავი. ამის შედეგი არც თუ სასიამოვნოა - დაწყებული უნებლიე შარდვით და დამთავრებული სერიოზული შიდა ინფექციებით. ამავე დროს სქესობრივი კავშირის დროს ჩნდება დისკომფორტი. პლასტიკური ოპერაციის შედეგად კი შესაძლებელია როგორც შარდის ბუშტის ფიქსაცია, ასევე შარდსაწვეთის კუთხის შეცვლა. ოპერაციიდან ერთ საათში ქალს შეუძლია სახლში წასვლა. კეთდება პლასტიკური ნაკერები, რომელიც თავისით გაიწოვება. პოსტოპერაციული პერიოდი 2-3 დღე გრძელდება. ასე რომ, ქალბატონებო, ჩვენთან, თქვენი დელიკატური პრობლემები უმოკლეს დროში, ეფექტურად მოგვარდება! ლაპაროსკოპიული ოპერაციები ,,იმედის კლინიკაში" - საუკეთესო შედეგები, ყველაზე ხელმისაწვდომი ფასები და უმაღლესი დონის სერვისები დავით (ბუკა) კობეშავიძის ხელმძღვანელობით ,,იმედის კლინიკაში“ ტარდება შემდეგი სახის ლაპაროსკოპიული ოპერაციები: - საშვილოსნოს ექსტირპაცია - ამ დროს სახეზეა საშვილოსნოს მიომური კვანძები, სისხლდენები, მიმდინარეობს საშვილოსნოს ყელის ონკოლოგიური პროცესები; - საშვილოსნოს ამპუტაცია - პაციენტს აღენიშნება მიომური კვანძები, სისხლდენები; ოპერაცია კეთდება იმ შემთხვევაში თუ საშვილოსნოს ყელის პათოლოგიური ცვლილებები არ აღინიშნება; - კისტექტომია - ლაპაროსკოპიული ოპერაცია ტარდება საკვერცხის კისტების შემთხვევაში; - საშვილოსნოს გარე ორსულობა - სხვადასხვა ანთებითი პროცესების გამო განაყოფიერებული კვერცხუჯრედი იჭედება ფალოპის მილში; - კონსერვატიული მიომექტომია - ლაპაროსკოპიული ოპერაცია წარმოადგენს ორგანოს შემანარჩუნებელ საშუალებას, ამ დროს სახეზეა საშვილოსნოს კვანძოვანი მიომები; - საკვერცხეების პოლიკისტოზი - საკვერცხეში მრავლობითი კისტოზური ჩანართები, რაც ქალის სტერილობას (უშვილობას) იწვევს. ლაპაროსკოპია არის მუცლის ღრუს ორგანოების დათვალიერება სპეციალური აპარატით - ლაპაროსკოპით, რომელიც ნატიფი ოპტიკური სისტემით არის აღჭურვილი. ტექნიკის თანამედროვე მიღწევები საშუალებას იძლევა, ლაპაროსკოპია გამოვიყენოთ როგორც სადიაგნოზოდ, ასევე ოპერაციული ჩარევისთვისაც. ლაპაროსკოპიული მეთოდით წარმატებით ტარდება ისეთი ოპერაციები, როგორებიცაა საკვერცხის სხვადასხვა ზომის კისტების მოცილება, საშვილოსნოსგარე ორსულობის მკურნალობა, კვერცხსავალი მილების პლასტიკა, საშვილოსნოს ამპუტაცია (საშვილოსნოს ამოკვეთა ყელის დატოვებით) და საშვილოსნოს ექსტირპაცია (საშვილოსნოს სრული ამოკვეთა), აგრეთვე - კონსერვატიული მიომექტომია (საშვილოსნოს მიომური კვაძნების ამოკვეთა საშვილოსნოს შენარჩუნებით). მიზნისა და დანიშნულების შესაბამისად, განასხვავებენ სამი სახის ლაპაროსკოპიას: 1. დიაგნოსტიკური ლაპაროსკოპიის დროს მუცლის ღრუს ორგანოებს დამატებითი მანიპულატორების გამოყენებით ათვალიერებენ. ამ სახის ლაპაროსკოპიას მიმართავენ ამა თუ იმ დიაგნოზის დასადასტურებლად ან გამოსარიცხად, ანდა, მაგალითად, საშვილოსნოს მილების გამტარობის შესამოწმებლად. 2. ოპერაციული ლაპაროსკოპია მოიცავს გინეკოლოგიური ოპერაციების თითქმის მთელ სპექტრს. 3. საკონტროლო ლაპაროსკოპია ადრე ჩატარებული ოპერაციის ეფექტურობის შესამოწმებლად ტარდება. ლაპაროსკოპიას უსისხლო ოპერაციასაც უწოდებენ. ამ დროს, ტრადიციული ოპერაციული ჩარევისგან განსხვავებით, მუცლის წინა კედელი არ იკვეთება. მასზე კეთდება სამი მცირე ზომის (5 და 10 მმ) ნახვრეტი, რომლებიც, ტრადიციული განაკვეთისგან განსხვავებით, არ აზიანებს კუნთოვან ქსოვილს. პაციენტს პრაქტიკულად არ სჭირდება ძლიერი ტკივილგამაყუჩებლის მიღება და მალევე უბრუნდება ცხოვრების ჩვეულ რეჟიმს. თავად ნახვრეტში ატარებენ ტროაკარს (სპეციალურ მილს). მასში შეჰყავთ გარკვეული რაოდენობის ნახშირჟანგი მუცლის გასაბერად და მასში მოცულობის შესაქმნელად. შემდეგ ტროაკარში შეაქვთ ტელესკოპის მილი, რომელსაც უერთებენ სპეციალურ მცირე ზომის ვიდეოკამერას და სინათლის წყაროს, რაც საშუალებას გვაძლევს, ოპერაციის დროს ეკრანზე დავინახოთ მუცლის ღრუს ორგანოები მნიშვნელოვანი გადიდებით. ლაპაროსკოპიული მეთოდით ჩატარებული ოპერაციის შემდეგ მუცლის ღრუში არ წარმოიშობა ოპერაციისშემდგომი შეხორცებები. გარდა ამისა, ოპერაციის შემდეგ გამოჯანსაღების პროცესი სწრაფად მიმდინარეობს, ჰოსპიტალიზაციის პერიოდი საკმაოდ ხანმოკლეა. საშვილოსნოს ამპუტაციის შემდეგ პაციენტი მეორე დღესვე ეწერება, ხოლო ექსტირპაციის შემდეგ - მესამე დღეს. ოპერაციის შემდეგ მათ მხოლოდ ორდღიანი ანტიბიოტიკოთერაპია უტარდებათ, ხოლო ტკივილის გასაყუჩებლად ნარკოტიკებიც კი არ არის საჭირო, ჩვეულებრივი ტკივილგამაყუჩებლის ინექციაც საკმარისია. სამ დღეში მათ შეუძლიათ დაუბრუნდნენ ცხოვრების ჩვეულ რეჟიმს. დაბოლოს, ლაპაროსკოპიული ოპერაციის შემდეგ კანზე არ რჩება არავითარი ნაწიბური. - ბევრ პაციენტს ჰგონია, რომ ტრადიციული ოპერაციის დროს ქირურგი უკეთ ხედავს მუცლის ღრუს. მართალია თუ არა ეს? - ეს მცდარი წარმოდგენაა. ოპტიკური მოწყობილობა, რომლითაც აღჭურვილია ლაპაროსკოპი, 10-15-ჯერ ადიდებს საოპერაციო არეს, ამიტომ შეუიარაღებელი თვალით შეუმჩნეველი დეტალებიც კი კარგად ჩანს. მართალია, გახსნილ მუცელზე მუშაობა უფრო ადვილია, მაგრამ ლაპაროსკოპიული ოპერაცია ნაკლებტრავმულია და, აქედან გამომდინარე, პაციენტისთვის უფრო იოლად ასატანი. თუმცა არის შემთხვევები, როდესაც ლაპაროსკოპიული ოპერაციის დროს საჭირო ხდება მუცლის გაკვეთაც. მაგალითად, მაშინ, როდესაც საშვილოსნოს ზომა უფრო მეტია, ვიდრე 14-16 კვირის ორსულობისას, საჭირო ხდება ტრადიციულ ოპერაციაზე - ლაპაროტომიაზე გადასვლა. ლაპაროსკოპიული ოპერაციისთვის ავადმყოფის წინასწარი მომზადება აუცილებელია - ტარდება გამოკვლევები, კონსულტაციები და მხოლოდ ამის შემდეგ გაგვყავს პაციენტი საოპერაციოდ. აღსანიშნავია, რომ როდესაც უშვილობის კვლევები ჩიხში შედის, ლაპაროსკოპია შეუცვლელი მეთოდია როგორც მიზეზის დასადგენად, ისე სამკურნალოდაც. ,,იმედის კლინიკის" გინეკოლოგიური დეპარტამენტი მოიცავს ყველა სახის თანამედროვე სერვისს: - საკონსულტაციო მომსახურება - სრულფასოვანი გამოკვლევები - ამბულატორიული მკურნალობა - სტაციონალური მკურნალობა - ლაპაროსკოპია - პლასტიკური გინეკოლოგია გინეკოლოგიურ დეპარტამენტს უნდა მიმართოთ თუ: - მენსტრუალური ციკლის დარღვევებმა სისტემატური ხასიათი მიიღო - გაქვთ ძლიერი ქავილი სასქესო ორგანოების მიდამოში - მუცლის ქვედა ნაწილში გაქვთ სხვადასხვა ხასიათის ტკივილი - შენიშნეთ საშოდან გამონადენი, რომელიც გახდა ჭარბი, შეიცვალა ფერი, კონსისტენცია და სუნი - შენიშნეთ შარდვის საგრძნობი გახშირება ან უნებლიე შარდვა - შარდვის დროს გაქვთ წვის შეგრძნება - სექსის დროს გეუფლებათ უსიამოვნო შეგრძნება ან სულაც ტკივილი - შენიშნეთ ანთებითი პროცესები: შეშუპება, სიწითლე, მტკივნეულობა - ხართ მოთენთილი - მუდმივად გაქვთ დაბალი სიცხეები - ადვილად და სწრაფად იღლებით - შეიგრძნობთ საერთო სისუსტეს - გაქვთ ღებინება და გულისრევა - რწმუნდებით, რომ დიდია უშვილობის რისკი 10 ქალიდან 4 ქალს, რომელსაც არაფერი არ აწუხებს, გამოკვლევების შედეგად სხვადასხვა გინეკოლოგიური პრობლემები აღენიშნება, დღეს მცირე გინეკოლოგიური პრობლემის მიმართ თვალის დახუჭვა და შესაბამისი სამედიცინო დახმარების არ ჩატარება შესაძლებელია ხვალ ურთულესი პათოლოგიის გამომწვევი მიზეზი გახდეს. თვლით, რომ არანაირი გინეკოლოგიური პრობლემა არ გაწუხებთ? - უფრო დამშვიდებული რომ იყოთ ჩაიტარეთ პროფილაქტიკური გასინჯვა ჩვენთან! თვლით, რომ დახმარება გესაჭიროებათ? ნუ გადადებთ, მოგვმართეთ და ერთად დავძლევთ ყველა პრობლემას! ,,იმედის კლინიკაში" გინეკოლოგიურ სერვისებს მიიღებთ მაქსიმალურად ხელმისაწვდომ ფასებში, მოქმედებს სახელმწიფო დაზღვევაც; მიუხედავად ამისა, თქვენ შეგიძლიათ ისარგებლოთ პროექტით ,,დღის შეთავაზება"; რომლის ფარგლებში ჩვენგან მიიღებთ დღის შეთავაზებას - ფასდაკლების მაჩვენებელს, რომელიც ყველა სახის გინეკოლოგიურ ოპერაციაზე გავრცელდება. |
RSS Feed
|
|
|
|
ადაპტირებულია iOS და Android სისტემებზე
© შპს ,,იმედის კლინიკა"
© IMEDICLINIC
© IMEDICLINIC