მესამე ტრიმესტრი:
VII - IX თვე, 27 - 40 კვირა
​

მეორე ტრიმესტრი:
IV - VI თვე, 14 - 26 კვირა
​

პირველი ტრიმესტრი:
​I - III თვე, 1 - 13 კვირა
​

ლაბორატორიული გამოკვლევები ხორციელდება ,,იმედის კლინიკის“ ქალთა კონსულტაციის ლაბორატორიაში, რომელიც აღჭურვილია უახლესი სამედიცინო ტექნიკით და დაკომპლექტებულია მაღალი კლასის პროფესიონალებით;

ლაბორატორიული გამოკვლევების სქემა მოიცავს როგორც სახელმწიფო პროგრამით გათვალისწინებულ კვლევებს, ასევე ,,იმედის კლინიკის" უსაფრთხო დედობის პროგრამით გათვალისწინებულ ვიზიტებს და გამოკვლევებს;

პროგრამის ფარგლებში ორსულს საშუალება აქვს ,,იმედის კლინიკის" ქალთა კონსულტაციის ლაბორატორიაში ჩაიტაროს კომპლექსური გამოკვლევები;
​
ყოველივე, ქალთა კონსულტაციის მეან-გინეკოლოგს საშუალებას აძლევს სრულფასოვნად წარმართოს ორსულობის პატრონაჟი, მოახდინოს ამა თუ იმ გართულების ნაადრევი პრევენცია, დაადგინოს და განსაზღვროს ორსულობის მართვის ეფექტური სტრატეგია, რაც საბოლოო ჯამში, უსაფრთხო მშობიარობის გარანტია.
​
ორსულის ლაბორატორიული გამოკვლევის არსს და საჭიროებას განმარტავს

თინათინ გვაზავა
​
​,,იმედის კლინიკის" ლაბორატორიის ხელმძღვანელი
​

ორსულთა ანტენატალური მეთვალყურეობის პროგრამის ფარგლებში ,,იმედის კლინიკის“ ქალთა კონსულტაციაში აღრიცხვაზე მყოფ ორსულებს საშუალება აქვთ ჩაიტარონ ორი უფასო ექოსკოპიური გამოკვლევა;

გარდა ამისა, ,,იმედის კლინიკაში“ დანერგილია უსაფრთხო დედობის პროგრამა, აღნიშნული პროგრამის ფარგლებში შემუშავებულია და ხორციელდება ორსულ ქალთა ეფექტური პატრონაჟი, რომელიც მოიცავს ნაყოფისა და მომავალი დედის მეთვალყურეობისა და მონიტორინგის ეფექტურ  მექანიზმებს; 
​
მათ შორის, ექოსკოპიურ გამოკვლევებს (სხვა სამედიცინო-პროფილაქტიკური აქტივობების პარალელურად);

აღნიშნული პროგრამა საშუალებას იძლევა ორსულობის ნაადრევ ასაკში გამოვლინდეს არასასურველი ცვლილებები და მოხდეს მათი განეიტრალება, შეიქმნას ნაყოფის ჯანსაღი განვითარებისთვის აუცილებელი კლიმატი;

ექოსკოპიური გამოკვლევევის არსებული სქემა ,,იმედის კლინიკის“ ქალთა კონსულტაციის პროფესიონალების კონსულტაციებთან კორელაციაში საუკეთესო წინაპირობას ქმნის უსაფრთხო მშობიარობისთვის;
​
,,იმედის კლინიკა“ აღჭურვილია თანამედროვე და უმაღლესი დონის 4D ექოსკოპიური აპარატებით, რაც კიდევ უფრო ეფექტურს და შედეგიანს ხდის აღნიშნულ გამოკვლევას;
​
ორსულობის პერიოდში ექოსკოპიური გამოკვლევების არსს და საჭიროებას განმარტავს

თამარ ბიწაძე
​
​ექიმი რადიოლოგი
​

ორსულის ანტენატალური მეთვალყურეობა ემსახურება დედისა და ნაყოფის მაქსიმალურ დაცვას სხვადასხვა შესაძლო გართულებებისგან, ორსულობის სწორ და ეფექტურ მართვას, მშობიარობის პროცესში შესაძლო რისკების ნაადრებ პროფილაქტიკას;

სახელმწიფო პროგრამის ფარგლებში ორსული სარგებლობს რვა უფასო ვიზიტის უფლებით;

,,იმედის კლინიკის" ქალთა კონსულტაციაში აღრიცხვაზე მყოფ ყველა ორსულზე ვრცელდება ,,იმედის კლინიკის" პროექტი ,,ერთგულება", რომელიც მშობიარობის შეღავათიან პირობებს ითვალისწინებს (ნახეთ ამავე გვერდზე);
​
​პროფესიონალთა გუნდი, უახლესი სამედიცინო აპარატურა, ორსულისა და მისი ოჯახის წევრების მიმართ კეთილგანწყობილი გარემო, ორსულთა პატრონაჟის ეფექტური და თანამედროვე მეთოდოლოგია თქვენი უსაფრთხო ორსულობის და მშობიარობის გარანტიაა.
​
ორსულ ქალთა კონსულტაციაში ცალკეული ვიზიტის არსს და საჭიროებას განმარტავს 

ნინო ჯაფარიძე
​
,,იმედის კლინიკის" ქალთა კონსულტაციის გამგე
​

ორსულობა ქალის ნორმალური, ფიზიოლოგიური და ამავე დროს, მეტად საპასუხისმგებლო მდგომარეობაა.
ორსულობის ცხრა თვის მანძილზე ბავშვის და მისი მოთხოვნილებების ზრდასთან ერთად ქალის ორგანიზმიც დიდ ცვლილებებს განიცდის.
​
ორსულობამდე და ორსულობის პერიოდში ყველა ქალმა თავიდან უნდა შეაფასოს თავისი ჯანმრთელობა და ცხოვრების წესი.  ცხოვრების ჯანსაღი წესი ზრდის მომავალი ბავშვის სიჯანსაღის ხარისხს.
​

- ქალების უმრავლესობა მხოლოდ მაშინ ხვდება, რომ ორსულადაა, როცა მომდევნო მენსტრუაცია აღარ მოსდის. ამ დროისათვის კი, დაახლოებით, ორი კვირაა გასული ჩასახვიდან;

- ბავშვის ორგანოების ფორმირება ორსულობის ადრეულ ეტაპზე, მე-2-8 კვირის განმავლობაში ხდება, თანდაყოლილი დეფექტების ჩამოყალიბების მეტი ალბათობაც ამავე პერიოდშია;

- ორსულობის და მშობიარობის გართულებების და ბავშვის თანდაყოლილი დეფექტების თავიდან აცილება ორსულობამდე და ორსულობის პერიოდში ცხოვრების წესის მაქსიმალური მოწესრიგებით შეიძლება.
​

​შეინარჩუნეთ სხეულის ნორმალური წონა: ნორმალური წონის ქალებს ბავშვის ჩასახვის, ჯანმრთელი ფეხმძიმობის და ნორმალური მშობიარობის მეტი შანსი აქვთ, ვიდრე მათ, ვისაც ჭარბი ან ნორმაზე ნაკლები წონა აქვს;

ჯანმრთელი კვება ქმნის ორგანიზმში ძირითადი საკვები ნივთიერებების, ვიტამინების და მინერალების საჭირო მარაგს;

შეწყვიტეთ თამბაქოს წევა: არამწეველებთან შედარებით მწეველებში ჩასახვის ალბათობა მცირეა, ხოლო აბორტების და ნაადრევი მშობიარობისა - მეტი;

მოერიდეთ ალკოჰოლს: მისი რეგულარული და ჭარბი მოხმარება ხელს უშლის ჩასახვას და ზრდის თანდაყოლილი ანომალიების განვითარების შანსს.

მოერიდეთ ნარკოტიკული ნივთიერებების მოხმარებას, რადგან ისინი მკვეთრად ამცირებს როგორც ბავშვის ჩასახვის შანსს, ისე ნაყოფის სიცოცხლისუნარიანობას;

შეძლებისდაგვარად მოერიდეთ სტრესულ სიტუაციებს: ცნობილია, რომ სტრესები უარყოფითად მოქმედებს როგორც ჩასახვაზე, ასევე ნაყოფზე. ეცადეთ, არ უყუროთ მძიმე სატელევიზიო გადაცემებს და საინფორმაციო პროგრამებს, არ წახვიდეთ იქ, სადაც წინასწარ ელოდებით მძიმე განცდებს, თავი აარიდეთ კონფლიქტებს;

​შეინარჩუნეთ სიმშვიდე და იფიქრეთ იმაზე, რომ წინ გაქვთ მნიშვნელოვანი და სასიამოვნო პერიოდი, რაც თქვენგან მაქსიმალურ მობილიზებას მოითხოვს;
​
ფეხმძიმობის დადგომამდე, აუცილებლად მიმართეთ ექიმს ჯანმრთელობის ზოგადი მდგომარეობის შესამოწმებლად და მოსაწესრიგებლად:

- დაადგინეთ, ხომ არ გაქვთ სქესობრივად გადამდები დაავადებები. თუ აღმოგაჩნდათ, აუცილებლად იმკურნალეთ დაფეხმძიმე-ბამდე თქვენც და თქვენმა მეუღლემაც;

- მოიწესრიგეთ პირის ღრუ, კბილები, ღრძილები;

- თუ გაქვთ რომელიმე ქრონიკული დაავადება (მაგალითად: ასთმა, დიაბეტი, ეპილეფსია და სხვა), მაქსიმალურად უნდა მოიწესრიგოთ და აკონტროლოთ თქვენი ჯანმრთელობის მდგომარეობა ექიმთან ერთად;

- გაარკვიეთ, გაქვთ თუ არა მოხდილი წითურა, და თუ არა _ აუცილებლად გაიკეთეთ აცრა დაფეხმძიმებამდე 8 თვით ადრე. გახსოვდეთ, რომ ფეხმძიმობის დროს (განსაკუთრებით პირველ ნახევარში) განვითარებული წითურა საშიშროებას უქმნის ნაყოფის სიცოცხლეს;
​

- გამოტოვებული მენსტრუაცია;

- სარძევე ჯირკვლების გამკვრივება და ზომაში მომატება, დვრილების გამუქება;

- გულისრევა, განსაკუთრებით დილას, ამას “ორსულთა დილის გულისრევასაც" უწოდებენ;

- ადვილად დაღლა;

- გახშირებული შარდვა;

- ყაბზობა;

- პირში ლითონის სუსტი გემო;

- ყნოსვის გამძაფრება;

-  ზოგიერთი საკვების და სასმელის შეძულება;

- საშოდან გამონადენის რაოდენობის მატება.
​

​როგორც კი ეჭვს მიიტანთ ორსულობაზე, მიმართეთ ექიმს: მეან-გინეკოლოგს, ოჯახის, ან ზოგადი პრაქტიკის ექიმს;

ადრეულ ეტაპზე ორსულობის დადასტურება ხდება სპეციალური ტესტებით, რომლების საშუალებითაც შესაძლებელია შარდში ან სისხლში ორსულობისათვის სპეციფიური ჰორმონის - ქორიოგონინის აღმოჩენა.

ეს ტესტები დადებით პასუხს იძლევა ჩასახვიდან უკვე 10 დღის შემდეგ, 2-3 კვირის განმავლობაში.

მეტი სარწმუნოებისათვის, საჭიროა ტესტის რამდენიმე დღეში გადამოწმება. თუმცა, უნდა გაითვალისწინოთ, რომ ამ ტესტების შედეგი, ხანდახან, შეიძლება მცდარიც იყოს.
​
ფეხმძიმობის დადასტურება ულტრაბგერითი გამოკვლევით (ექოსკოპიით) ხდება უფრო მოგვიანებით - გამოტოვებული მენსტრუაციის პერიოდიდან 2-3 კვირის შემდეგ.
​

​- ორსულობა გრძელდება ბოლო მენსტრუაციის პირველი დღიდან 280 დღის (40 კვირის) განმავლობაში;

- მშობიარობის სავარაუდო ვადა უნდა დაადგინოს თქვენმა ექიმმა;

- ნორმალური მშობიარობის ვადებია: ორსულობის 38-42 კვირა;

- თუ მშობიარობა 37 კვირაზე ადრე იწყება, ამას ნაადრევ მშობიარობას უწოდებენ;

- თუ მშობიარობა 42 კვირაზე მეტად გვიანდება, მას ვადაგადაცილებული მშობიარობა ეწოდება;
​

​გახსოვდეთ, რომ იკვებებით ორი ადამიანის მაგივრად. ესე იგი მუცლადმყოფი ბავშვის კვება მთლიანად თქვენზეა დამოკიდებული.

თუმცა ეს იმას არ ნიშნავს, რომ რაოდენობრივად ორჯერ მეტი საკვები უნდა მიიღოთ. ეს პრინციპი უფრო საკვების ხარისხს და მრავალფეროვნებას ეხება: დედაც და ბავშვიც საკმაო რაოდენობით უნდა იღებდნენ ყველა საჭირო საკვებ ნივთიერებას და ვიტამინს.

კვების რეჟიმი ისე უნდა შეირჩეს, რომ:

- არ გადაიტვირთოთ ზედმეტი საკვებით, რაც შეგიქმნით დისკომფორტს;

- უზრუნველყოთ ნაწლავების ნორმალური მოქმედება.

ამისათვის აუცილებელია: კვება მცირე ულუფებით, 4-5-ჯერ დღეში, რეგულარულად. გახსოვდეთ, რომ კვებებს შორის აუცილებლად უნდა შეინარჩუნოთ მინიმალური ინტერვალი 4-5 საათი;

მოერიდეთ დიდი რაოდენობით საკვების ერთბაშად მიღებას და გვინ საღამოს ან/და ღამე კვებას

ორსულისთვის სასარგებლო საკვები პროდუქტებია:

• მარცვლეული: ხორბალი, წიწიბურა, ქერი, შვრია, სიმინდი, ჭვავი;
• ყველანაირი ხილი და ბოსტნეული, პარკოსნები: სოიო, ლობიო, ბარდა;
• ხორცი, თევზი, კვერცხი;
• ნაკლებცხიმიანი რძის პროდუქტები: რძე, მაწონი (იოგურტი, კეფირი), ნაკლებად მარილიანი ყველი, ხაჭო.

მოერიდეთ:
​

• კოფეინის შემცველ სასმელს - ყავა, მაგარი ჩაი, პეპსი-კოლა და კოკა-კოლა; თუ ძალიან მოგინდათ, დღის განმავლობაში შეგიძლიათ მიიღოთ მაქსიმუმ 2 ჭიქა;
• ალკოჰოლს - დედის მიერ მიღებული მცირე რაოდენობით (1 ჭიქა) ალკოჰოლიც კი დიდი დოზაა ნაყოფისათვის (ის შეუფერხებლად გადის პლაცენტურ ბარიერს) და, შესაძლოა, სერიოზული ზიანი მიაყენოს მას;
• თამბაქოს წევას და მწეველებთან ერთ ოთახში ყოფნას;
• ჭარბ შაქარს და ტკბილ პროდუქტებს: კამფეტებს, შოკოლადს, ნამცხვრებს;
• საკვებში ჭარბი მარილის მოხმარებას და მარილიან პროდუქტს, მაგალითად: მარინადები, მწნილები, საწებლები;
• ცხოველური ცხიმის ჭარბად მიღებას: კარაქი, არაჟანი, ხორცის ნახარში;
• კონსერვირებულ (მათ შორის სახლის პირობებშიც) პროდუქტს: შეიცავს დიდი რაოდენობით კონსერვანტებს და შესაძლოა გახდეს ისეთი საშიში ინფექციის წყარო, როგორიცაა ბოტულიზმი;
• არაპასტერიზებულ და აუდუღარ რძეს და შეუმოწმებელი რძისაგან დამზადებულ პროდუქტებს;
• ნახევრად შემწვარ და მოხარშულ ხორცს და თევზს;
• თოხლო და უმ კვერცხს;
• ღვიძლისა და შიგნეულობისაგან დამზადებულ საკვებს;

​ორსულობისას წონის მატება ინდივიდუალურია და უპირველეს ყოვლისა, დამოკიდებულია ქალის წონაზე დაფეხმძიმებამდე.

​ითვლება, რომ საწყისი საშუალო წონის და სიმაღლის ორსულს მთელი ორსულობის განმავლობაში შეუძლია მოიმატოს 11-დან 16 კილოგრამამდე. ნორმაზე ნაკლები წონის ქალებს მეტის მომატებაც შეუძლიათ, ხოლო მათ, ვისაც ჭარბი წონა აქვს, მატება გარკვეულწილად ეზღუდება;
​
წონის მატების დინამიკა თვეების მიხედვით, დაახლოებით, ასე უნდა ნაწილდებოდეს: პირველი სამი კალენდარული თვის განმავლობაში სულ - 2-3 კილოგრამამდე და ყოველ შემდეგ თვეს - საშუალოდ 1-2 კილოგრამი;

ორსულთათვის საზიანოა მკაცრი, ძირითად საკვებ ნივთიერებებს მოკლებული დიეტა, მით უმეტეს, თუ მას წონის დაკლების მიზნით იცავთ. წონის დაკლებაზე შეგიძლიათ ბავშვის გაჩენის და ძუძუთი კვების დასრულების შემდეგ იზრუნოთ.
​

ორსულობის პერიოდში სქესობრივი ურთიერთობის მიზანშეწონილება, ვადები და სიხშირე აუცილებლად ექიმის რჩევით უნდა განისაზღვროს. ზოგადად ორსულობის ნორმალური მიმდინარეობისას სექსი შეიძლება, თუმცა გარკვეულ პერიოდებში ის მაინც შეიცავს რისკს:

სქესობრივი ურთიერთობა არაა მიზანშეწონილი ორსულობის პირველი სამი, ბოლო ორი თვის განმავლობაში და მენსტრუაციის მოსალოდნელ დღეებში;

ურთიერთობისას აუცილებლად უნდა შეარჩიოთ ქალისათვის მაქსიმალურად უსაფრთხო პოზა (დაუშვებელია მუცელზე ზეწოლა);
​
თავი შეიკავეთ სქესობრივი ურთიერთობისაგან და აუცილებლად მიმართეთ ექიმს, თუ ეს იწვევს უსიამოვნო შეგრძნებას, ტკივილს და, მით უმეტეს, სისხლიან გამონადენს საშოდან.
​

ბავშვების დიდი უმრავლესობა ნორმალური იბადება. თუმცა ზოგ წყვილს მემკვიდრული და თანდაყოლილი დაავადებების აშკარა რისკი აქვს. ამის შესაფასებლად დროულად მიმართეთ სპეციალისტს (გენეტიკოსს, გინეკოლოგს, მეანს) თუ:
​

• უკვე გყავთ შვილი რომელიმე გენეტიკური დარღვევით;
• თქვენ, თქვენს მეუღლეს, პარტნიორს ან ახლო ნათესავს გაქვთ რაიმე გენეტიკური დაავადება;
• მეუღლე ან პარტნიორი თქვენი ახლო ნათესავია;
• ხართ 30 წელზე მეტი ასაკის.

გახსოვდეთ, რომ გარკვეული გამოკვლევების საშუალებით შესაძლებელია თანდაყოლილი ანომალიის გამოვლენა ორსულობის ადრეულ ეტაპზე და ზოგიერთის თავიდან აცილებაც კი.
​

ორსულობისას სარძევე ჯირკვლები იმატებს ზომაში, მკვრივდება, შეხებით მგრძნობიარეა და ხანდახან მტკივნეულიც კი. ძუძუს მოვლა და მისი ლაქტაციისათვის (რძის წარმოქმნისათვის) მომზადება მეტად მნიშვნელოვანია, რადგან ეს ამცირებს ძუძუთი კვების პერიოდში სარძევე ჯირკვლის ანთების (მასტიტის) ალბათობას და უადვილებს ბავშვს კვების პროცესს.

მესამე თვიდან მიზანშეწონილია ოდნავ მეტი ზომის, კომფორტული ბიუსტჰალტერის ხმარება, რათა თავიდან აიცილოთ სარძევე ჯირკვალზე ზეწოლა და ტრავმირება. როგორც ფეხმძიმობის, ისე ლაქტაციის პერიოდში სასურველია ატაროთ სპეციალური ბიუსტჰალტერები.

ბავშვის კვებისათვის ჯეროვნად უნდა მოვამზადოთ ძუძუსთავებიც: დაბანისას მოერიდეთ ძუძუსთავების საპნით უხეშად დამუშავებას, რადგან ეს აშრობს მათ ზედაპირს. იხმარეთ რბილი, ფიზიოლოგიური მჟავიანობის თხევადი საპნები. დაბანის და ნაზად გამშრალების შემდეგ დაიმუშავეთ სპეციალური ზეთით ან საცხით. ამ მიზნისათვის ზეითუნის ზეთიც გამოიყენება.
​
თუ გაქვთ ბრტყელი ან ჩაბრუნებული ძუძუსთავები, მათ დამუშავებამდე საკონსულტაციოდ მიმართეთ ექიმს.
​

მშობიარობის წინა პერიოდად, ანუ ორსულობის ბოლო პერიოდად ითვლება 34-40 კვირა. ამ დროს თქვენ შეიძლება შენიშნოთ ახალი სიმპტომები, რაც ამ პერიოდისათვის დამახასიათებელია:
​

• პერიოდული, არც თუ ხშირი, მოჭერის უმტკივნეულო შეგრძნება მუცელში, რაც წააგავს სამშობიარო შეტევებს;
• მუცლის გარკვეული “შემსუბუქება", რაც გამოწვეულია ბავშვის თავის მენჯში ჩადგომით;
• მენჯში ზეწოლის შეგრძნება;
• შარდვის გახშირება;
• მშობიარობამდე 1 კვირით ადრე ერთ კილოგრამამდე წონის დაკლება;
• განავლის ჩვეულთან შედარებით გათხიერება;
• ენერგიის უეცარი მოზღვავება, ქალებს, როგორც წესი, ამ პერიოდში უჩნდებათ სახლის დალაგების, მოწესრიგების, ავეჯის გადაადგილების სურვილი;
• შფოთვა და/ან ემოციების მოძალება. ამ პერიოდში მეტი ყურადღება და სიფრთხილე გმართებთ, რათა თავიდან აიცილოთ ნაადრევი და გაიადვილოთ დროული მშობიარობა:
• მოერიდეთ დიდ მანძილზე მგზავრობას (მით უმეტეს მანქანით);
• დიდხანს ნუ დაჰყოფთ ისეთ ადგილას, სადაც ხელმისაწვდომად არ არის სამედიცინო სამეანო დაწესებულება;
•  ​მაქსიმალურად მოიწესრიგეთ ნაწლავების მოქმედება; იკვებეთ მსუბუქად, მცირე პორციებით და ხშირად; მკვეთრად შეამცირეთ საკვებში სუფრის მარილი;
• ბევრი ისეირნეთ სუფთა ჰაერზე;
• ერიდეთ დიდხანს ჯდომად და დგომას; ხშირად წამოწექით დასასვენებლად;

​დაუყოვნებლივ მიმართეთ ექიმს ნებისმიერი უჩვეულო სიმპტომის შემჩნევისას, მაგალითად:
​

• წელის გახანგრძლივებული ტკივილი;
• სახის, ქუთუთოების, კიდურების შეშუპება;
• ნებისმიერი გამონადენი საშოდან;
• თავის ტკივილი, თავბრუსხვევა;
• არტერიული წნევის აწევა.

დაუყოვნებლივ უნდა დაუკავშირდეთ ექიმს და/ან წამოხვიდეთ ,,იმედის კლინიკაში", თუ:

- სამშობიარო ტკივილის, სიძლიერემ და სიხშირემ იმატა და გახდა რეგულარული: 10-15 წუთში ერთხელ;

- თუ მოხდა სამშობიარო წყლების დაღვრა: ანუ დაგეწყოთ საშოდან უფერო, წყლისმაგვარი სითხის დენა;

- შენიშნეთ მოვარდისფრო ან სისხლიანი გამონადენი საშოდან;

- დაგეწყოთ წელის ან მუცლის ძლიერი, გახანგრძლივებული ტკივილი.

,,იმედის კლინიკაში" დანერგილია ორსულთა მეთვალყურეობისა და პატრონაჟის ეფექტური პროექტი, რომლის მიხედვით ორსულისთვის ქალთა კონსულტაციაში 10 ვიზიტია დაგეგმილი:
​

დაადგინეთ როდის გიწევთ ვიზიტი ,,იმედის კლინიკის" ორსულ ქალთა კონსულტაციაში

საინფორმაციო ფილმი ,,ორსული და იმედის კლინიკის ორსულ ქალთა კონსულტაცია" განკუთვნილია იმ ორსულებისთვის, რომლებიც ფიქრობენ აღრიცხვაზე დადგნენ ,,იმედის კლინიკაში". ფილმში მონაწილეობენ ,,იმედის კლინიკის" პროფესიონალები.

​მერვე თვე ნაყოფის ინტენსიური ზრდის პერიოდია, განსაკუთრებით კი ტვინის ზრდის, ამიტომ ამ პერიოდში ქალისათვის ძალზე მნიშვნელოვანია კარგი კვება.
​
ბავშვის ძვლები იწყებს გამაგრებას, კიდურებს აქვს უფრო სრულყოფილი ფორმა და კანს – ჯანსაღი ფერი. ტვინში ყალიბდება სხვადასხვა უბანი. ნაყოფმა შეიძლება დაასლოკინოს. იტიროს, გაარჩიოს ტკბილი და მჟავე, რეაგირება მოახდინოს ტკივილზე, სინათლესა და ხმაზე.

​ამ პერიოდისათვის ნაყოფის მოძრაობა იმდენად ინტენსიური და საგრძნობია, რომ ზოგჯერ მუცელზე რელიეფურად შეიმჩნევა წამოწეული კიდურის ნაწილი.
​
ყაბზობითა და ჰაერის უკმარისობით გამოწვეული დისკომფორტი, რასაც განიცდიდით ბოლო რამდენიმე თვის განმავლობაში, უფრო პრობლემური ხდება. მუცელი კვლავ იზრდება და ჭიპი ამოიბურცება. ​

საინფორმაციო ფილმი ,,ერთი დღე იმედის კლინიკაში" განკუთვნილია მომავალი დედებისთვის.

ფილმში მონაწილეობენ ,,იმედის კლინიკის" პროფესიონალები.

ორსულებს განსაკუთრებული კვება ესაჭირეობათ.

ორსულობის პირველი თვეების განმავლობაში, თუ მომავალ დედებს ტოქსიკოზი აწუხებთ ორსულები საკვების მიმართ ძალიან პრეტენზიულები არიან და ზოგადად ცუდად იკვებებიან, მაგრამ როცა ეს პერიოდი გადის და ქალბატონებს მადა ემატებათ ჩნდება მეორე პრობლემა: რა შეიძლება მიირთვან და როგორ ებრძოლონ ზედმეტ წონას. 

ზოგად რეკომენდაციების გათვალისწინებით არის პროდუქტები, რომლის მიღებაც ოსრულებისთვის არ შეიძლება, ესენია: ალკოჰოლური სასმელები, ყავა, ცხარე საჭმელი, შებოლილი, ცხიმიანი და ძლიერ შემწვარი საკვები.

ალერგიულმა ქალბატონებმა უმჯობესია უარი თქვან შოკოლადზე, ციტრუსებზე, მარწყვზე, ეგზოტიკურ ხილზე, სხვადასხვა ზღვის პროდუქტსა და თხილზე. 

ვიდრე გადავიდოდეთ სხვადასხვა პროდუქციისა და საკვების განხილვაზე გავეცნოთ რაციონის შედგენის რამდენიმე წესს.
უმჯობესი იქნება, თუ თქვენი დღიური რაციონის 2/3 ნაწილს შეადგენს მცენარეული წარმოშობის პროდუქტი. განსაკუთრებით სასარგებლოა ცოცხალი ბოსტნეული და მწვანილი. ფეხმძიმე ქალბატონებმა ასევე არ უნდა დაივიწყოთ ცხოველური წარმოშობის პროდუქტებიც. ბავშვის სრულყოფილი განვითარებისთვის აუცილებელია ცხოველური ცილა, რომელსაც შეიცავს ხორცი, თევზი და რძის პროდუქტები. 

ხილი, ბოსტნეული, პარკოსანი მცენარეები-შეგიძლიათ მიირთვათ ცოცხლად, მოამზადოთ ორთქლზე, გააკეთოთ სხვადასხვა სალათები.  
​
ნაყოფისთვის ბევრ სასარგებლო ვიტამინსა თუ მინერალს შეიცავს პარკოსანი მცენარეები, როგორებიცაა: ლობიო, ბარდა, მუხუდო. ეს ბოსტნეული შეიცავს უამრავ ცილასა და საკვებ ბოჭკოებს, რომლებიც დაეხმარებიან თქვენს კუჭ-ნაწლავის სისტემას და ხელს შეუშლიან შეკრულობისა და ბუასილის წარმოქმნას. ასევე პარკოსანი მცენარეები შეიცავენ რკინას, კალციუმსა და თუთიას.

ტკბილი კარტოფილი და სხვა სტაფილოსფერი ბოსტნეული შეიცავს A ვიტამინს. ჩვენი ორგანიზმი მცენარეულ A ვიტამინს იღებს იმდენს რამდენიც მას ესაჭიროება. ხოლო ცხოველური წარმოშობის A ვიტამინს, რომელსაც შეიცავს რძე, ღვიძლი, კვერცხი, ორგანიზმი მიღებისთანავე ითვისებს და მისი ზედმეტი რაოდენობა ორგანიზმში არც თუ ისე სასურველია. 

ბატიბუტიც სასარგებლოა ორსულებისთვის. ის მდიდარია E ვიტამინით, სელენითა და ფიტონუტრიეტებით. 

თუ თქვენ არ გიყვართ თევზი და კვერცხი, რომელიც შეიცავს ბავშვის განვითარებისთვის აუცილებელ ცხიმოვან მჟავებს მაშინ მიირთვით კაკალი. ეს პროდუქტი შეიცავს ბევრ სასარგებლო ნივთიერებას, რომელიც სასარგებლო იქნება თქვენთვის და თქვენი პატარასთვის. 

ორსულობისას კარგი იქნება თუ მიირთმევთ კომბოსტოს, სალათის ფოთლებს , ისპანახს და სხვა. ისინი მდიდარია А, С და  К ვიტამინებით, ამასთან დამტკიცებულია, რომ ეს მცენრეები დადებითად მოქმედებენ  მხედველობაზე. 

მიირთვით მწვანე, წითელი, სტაფილოსფერი, ყვითელი და თეთრი ფერის ხილი და ბოსტნეული. რაც უფრო მეტს მიირთმევთ მათ მით უფრო დიდია შანსი, რომ თქვენს პატარას მომავალში ხილი და ბოსტნეული ეყვარება, რადგან მათ გემოს მუცლადყოფნის პერიოდშივე იქნება მიჩვეული. 

შეგიძლიათ მიირთვათ ნებისმიერი ბურღულეულისგან დამზადებული ფაფა, ასვე მიუსლი. ბურღული შეიცავს რკინას, ნახშირწყლებს, ვიტამინებსა და ცელულოზას. ფაფა სასარგებლოა და ის ასევე აწესრიგებს საჭმლის მომნელებელ სისტემას და კუჭ-ნაწლავის მოქმედებას.

რძე და რძის პროდუქტი უხვად შეიცავს კალციუმს, რაც ბავშვის ძვლების ჩამოყალიბებაში მთავარ როლს თამაშობს. ასევე ორსულობის პერიოდში დედას უსუსტდება კბილები და ძვლები, ამიტომ რძის პროდუქტების მირთმევა არამარტო ბავშვისთის, არამედ თქვენთვისაც სასარგებლოა. 

ხორცი ეს არის ცხოველური ცილის ძირითადი წყარო. უმჯობესია თუ არ შეიძენთ გაყინულ ხორცს და თავს შეიკავებთ ძეხვეულობისა და სოსისების მირთმევისგან. საუკეთესოა საქონლისა უცხიმო მჭლე ხორცი, რადგან ის ასევე შეიცავს რკინას და ჰემოგლობინის მომატებაში დაგეხმარებათ. თავი შეიკავეთ ჰოთდოგებისგან და სხვა მსგავსი ხორცის ნაწარმისგან. მას თერმული დამუშავება შეიძლება ბოლომდე არ ჰქონდეს გავლილი და შეიძლება შეიცავდეს ბაქტერიებსა და პარაზიტების კვერცხებს, რომლებიც ბავშვისთვის ზიანის მომტანი იქნება. 

თევზი შეიცავს ვიტამინ D -ს და ფოსფორს, რაც ეხმარება ბავშვის ნერვული სისტემის ჩამოყალიბებას და მუშაობას. უმჯობესია თუ საკვებად გამოიყენებთ თევზის არაცხიმიან სახეობებს. ამ შემთხვევაში საუკეთესოა ორაგული, ის მდიდარია ცილითა და ცხიმოვანი მჟავით ომეგა 3-ით. ორაგულში ძალიან ცოტაა ნივთიერება ვერცხლისმეთილი, რომელიც ვნებს ბავშვის ნერვული სისტემის ჩამოყალიბებას. ექიმები გვირჩევენ კვირაში 340 გრ-ზე მეტი თევზის მიღებისგან თავი შევიკაოთ. 

კვერცხი შეიცავს უამრავ სასარგებლო ნივთიერებას, ამასთან ერთი ცალი კვერცხი შეიცავს მხოლოდ 90 კალორიას. კვერცხი შეიცავს 12 ვიტამინსა და მინერალს, ასევე ცილას, რომელიც აუცილებელია ორსულებისთვის. მართალია კვერცხი შეიცავს ქოლესტერინს, მაგრამ ეს არის ბუნებრივი წარმოშობის ქოლესტერინი და მისი შემცველობა არც თუ ისე დიდია 1,5 გრ ერთ კვერცხზე. ქალბატონებს რომელთაც ქოლესტერინის რაოდენობა სისხლში ნორმალური აქვთ დღეში შეუძლიათ მიირთვან 1-2 კვერცხი. 

ორსულობის  პირველი ტრიმესტრში ორსულებისთვის კარგია ისეთი საკვების მიღება, რომელიც შეიცავს ფოლიუმის მჟავას. ეს ნივთიერება მნიშვნელოვან როლს თამაშობს ბავშვის ნერვიული სისტემის ჩამოყალიბებაში. ასევე ასეთი პროდუქტი შეიცავს В6 ვიტამინს რომელიც ამსუბუქებს გულისრევის შეგრძნებას. პირველ ტრიმესტრში ასევე ჭარბად მიირთვით რკინის შემცველი პროდუქტები. 

ორსულობის მეორე ტრიმესტრში მეტი რაოდენობით მოიხმარეთ პროდუქტები, რომელიც შეიცავს კალციუმსა და D ვიტამინს. ასევე მიირთვით ცხიმ-მჟავა ომეგა3 -ის შემცველი საკვები. 

ორსულობის მესამე ტრიმესტრში მიირთვით საკვები, რომელიც ენერგიას მოგანიჭებთ და ამასთან არ დაგამძიმებთ. ასევე მიიღეთ პროდუქტები, რომელიც შეიცავს К ვიტამინს, ეს სისხლის შედედებას უწყობს ხელს. ​

​​- მოძებნეთ თქვენთვის სასურველი შეკითხვა და მიიღეთ პასუხი
- თუ შეკითხვების ჩამონათვალში ვერ იპოვეთ თქვენთვის საინტერესო საკითხი, მიმართეთ ,,იმედის კლინიკის" საინფორმაციო ცენტრს.
​

მოქმედებს თუ არა თქვენთან სახელმწიფო დაზღვევა (საყოველთაო ჯანდაცვის პროგრამა) და თუ მოქმედებს, როგორ მოვიქცე, რომ ამ პროგრამით ვისარგებლო?
 
ჩვენთან სახელმწიფო პროგრამა მოქმედებს (იხილეთ მომსახურების ტარიფები და გადახდის წესი ამ პროგრამის ფარგლებში), თუ თქვენ სარგებლობთ საყოველთაო დაზღვევით. თქვენ არ მოგეთხოვებათ რაიმე სახის საბუთის წარმოდგენა, თან უნდა იქონიოთ მხოლოდ პირადობის მოწმობა
​
ორსულობის რომელ კვირაზე უნდა დავდგე აღრიცხვაზე ქალთა კონსულტაციაში?
 
სასურველია მე-8 კვირიდან
​
რა საბუთები უნდა ვიქონიო ქალთა კონსულტაციაში აღრიცხვაზე დადგომის მომენტში?
 
საჭიროა მხოლოდ პირადობის დამადასტურებელი მოწმობა

როგორ და როდის უნდა ავიღო ანტენატალური მეთვალყურეობის სახელმიფო ვაუჩერი?
 
ანტენატალური მეთვალყურეობის ვაუჩერის ასაღებად დაგჭირდებათ ექოსკოპიური კვლევა (5 დღის ვადაში ჩატარებული) და ექიმის კონსულტაცია. სახელმწიფო ვაუჩერის დარეგისტრირება ხდება კლინიკაში ელექტრონულად და კლინიკაშივე ხდება მისი გაცემა.  გახსოვდეთ, რომ სახელმწიფო ვაუჩერი გაიცემა მხოლოდ 13 კვირის ორსულობის ვადამდე​

აუცილებელია ორსულობის ვადის დასადასტურებლად ექოსკოპიის დასკვნა თქვენთან ავიღო?
 
არა, აუცილებელი არ არის. თუ ექოსკოპიურ გამოკვლევას სხვაგან ჩაიტარებთ ჩვენთან აღრიცხვაზე დასადგომათ მოტანილი დასკვნა უნდა იყოს არაუმეტეს 5 დღის ვადის​​

​როდესაც სხვა კლინიკაში ვარ აღრიცხვაზე და ერთი ან/და რამდენი უფასო ვიზიტი ჩაიტარე იმ კლინიკაში, და მსურს თქვენს კლინიკაში გადმოსვლა და დარჩენილი უფასო ვიზიტი/ები მსურს რომ თქვენთან ჩავიტარო, ასეთ შემთხვევაში როგორ ვიქცევი?
 
საჭიროა იქონიოთ გაცვლა-გამოცვლის ბარათი და პირადობის მოწმობა, თქვენი გადმომისამართება მოხდება ელექტრონულად პირადობის მოწმობის მეშვეობით.

​შესაძლებელია თუ არა ორსულობის პერიოდში დამჭირდეს 4 ვიზიტზე მეტი და ასეთ შემთხვევაში როგორ ხდება მომსახურების ანაზღაურება?
 
სრულიად შესაძლებელია, რომ ჩვენ ქალთა კონსულტაციაში 4-ზე მეტი ვიზიტი დაგჭირდეთ. ეს აიხსნება იმით, რომ განხორციელდეს თქვენი და ნაყოფის მრავალმხრივი მონიტორინგი და ორსულობის პერიოდი წარიმართოს სრული პატრონაჟის ფონზე. როდესაც ორსული  ჩვენთან დგება აღრიცხვაზე, მას ეძლევა ორსულის სამახსოვრო ბარათი, სადაც კვირეების მიხედვით ჩამოწერილია, თუ რომელი კვლევებია სასურველი, რომ ორსულმა ჩაიტაროს და იქვე მითითებული აღნიშნული კვლევების ტარიფებიც. 

​ორსულობის პერიოდში მარტო გინეკოლოგები მომემსახურებიან?
 
არა, ორსულობის სრულფასოვანი პატრონაჟისა და შესაძლო გართულებების თავიდან აცილების მიზნით თქვენ მოგემსახურებიან ექიმი-თერაპევტი, ექიმი-ენდოკრინოლოგი და სხვა სპეციალისტები (საჭიროების მიხედვით)​

​თუ ,,იმედის კლინიკის" ქალთა კონსულტაციაში არ ვარ აღრიცხვაზე მექნება თუ არა საშუალება, რომ თქვენთან ვიმშობიარო?
 
დიახ, რა თქმა უნდა, თუმცა მშობიარობის მაქსიმალურად უსაფრთხოდ წარმართვის მიზნით უკეთესია თუ თავიდანვე ჩვენთან გექნებათ კონტაქტი, მაგრამ ასევე შესაძლებელია სხვაგან ჩაიტაროთ კონსულტაციები და უკვე 34-35 კვირის ვადაზე მომართოთ ჩვენს კლინიკას. თან უნდა იქონიოთ გაცვლა-გამოცვლის ბარათი და პირქადობის მოწმობა.

მსურს თქვენთან მშობიარობა, აუცილებელია, რომ ექიმი ავიყვანო?
 
არა, არ არის აუცილებელი


მსურს თქვენთან ვიმშობიარო და ავიყვანო ექიმი, როგორ მოვიქცე? 

ექიმმა უნდა იცოდეს თქვენი სურვილის შესახებ წინასწარ. ამავე დროს, ექიმმა უნდა იცოდეს როგორ მიმდინარეობს ორსულობა, არის თუ არა რაიმე სახის რისკი და ა.შ. სწორედ ამიტომ, თუ ექიმის აყვანა გსურთ უკეთესია ორსულობის პირველივე ტრიმესტრში მიმართოთ მას და შესაბამისად, აღრიცხვაზე დადგეთ ,,იმედის კლინიკის" ქალთა კონსულტაციაში, სადაც აღნიშნული ექიმი მოგემსახურებათ.

რა უნდა მქონდეს თან სამშობიაროდ თქვენთან მოსვლისას?
 
პირადი მოხმარების საგნები, მეძუძური ქალის ლიფი, ჰიგიენური საფენები​

რა არის საჭირო ახალშობილისთვის?
 
,,იმედის კლინიკის” ნეონატალური განყოფილება უზრუნველყოფილია ახალშობილისათვის საჭირო ყველა ნივთით.
იმ შემთხვევაში, თუ თქვენი ნივთების მოტანას მაინც გადაწყვეტთ - დაგჭირდებათ:
- პლედი
- ბოდი
- შარვალი
- წინდა (ბუნებრივი მასალის)
- ქუდი
- გარედან ჩასაცმელი სამოსი
გაყვანის დღეს დაგჭირდებათ ახალშობილის ტანსაცმელი​

​ექნებათ თუ არა საშუალება ჩემს მეუღლეს და ოჯახის წევრებს დაესწრონ მშობიარობას?
 
ფიზიოლოგიურ მშობიარობას შეუძლია დაესწროს მხოლოდ მეუღლე. საკეისრო კვეთის ოპერაციაზე თანმხლები პირის დასწრება არ არის მიღებული. საკეისრო კვეთის ოპერაციის დროს შესაძლებელია ახალშობილის მამის გულზე დაწვენა.

მშობიარობის შემდგომ დაახლოებით რამდენი დღე მომიწევს თქვენთან ყოფნა?
 
ყველაფერი დამოკიდებულია როგორ ჩაივლის მშობიარობის შემდგომი პერიოდი​

​აქვთ თუ არა ახლობლებს მელოგინეობის პერიოდში ჩემი და ახალშობილის ნახვის უფლება?
 
ახლობლებს თქვენი ნახვა შეუძლიათ მელოგინეობის პერიოდში ყოველდღე 18.00 საათიდან 21.00 საათამდე

განმარტავს
ნინო ჟუჟნიაშვილი
​ნაყოფის მონიტორინგის კაბინეტის ხელმძღვანელი
​