ფრჩხილების მოვლა

უამრავმა გამოკვლევამ დაადასტურა, რომ ორსულობის პერიოდში ფრჩხილების დამუშავება არ არის სასარგებლო, შესაბამისად, ორსულობის პერიოდში ფრჩხილების ზრდა და მათი დამუშავება არ არის რეკომენდირებული, განსაკუთრებით, ორსულობის პირველი სამი თვის განმავლობაში.

ფრჩხილების დამუშავებისას გამოყენებული საშუალებები (ლაქი, გამხსნელები) შეიცავენ ფორმალდეჰიდს, რომელიც ტოქსიკური თვისებებით გამოირჩევა, ასევე ორსულისთვის და ნაყოფისთვის სახიფათოა ამ საშუალებებში შემავალი მეთილმეტაკრილატი, ეთილმეტაკრილატი და ტოლუოლი. ეს უკანასკნელი სწრაფად ვრცელდება ჰაერში და ხდება ორსულის მიერ მისი ჩასუნთქვა, ამით წარმოიქმნება ნაყოფზე მავნე ზემოქმედების რეალური რისკი. 

გასათვალისწინებელია ისიც, რომ გაზრდილი ფრჩხილების არაჰიგიენური ხელსაწყოებით დამუშავების შემთხვევაში შესაძლებელია გარკვეული ინფექციების ორგანიზმში შეჭრაც, რამაც შესაძლებელია ფარული ფორმაც მიიღოს და ზემოქმედება მოახდინოს ნაყოფზე.

თუ მაინც გადაწყვიტეთ ფრჩხილების დამუშავება, ასეთ შემთხვევაში ეს პროცედურა უნდა ჩაიტაროთ კარგად ვენტილირებულ ოთახში, უნდა გამოიყენოთ მაღალი ხარისხის საშუალებები. პროცედურის დამთავრების შემდეგ კარგად დაიბანეთ ხელები და მინერალური წყლის გამოყენებით პირსახოცის გამოყენებით გამოიწმინდეთ ცხვირის ნესტოები. ამით თავს დაიზღვევთ სხვადასხვა სახის ალერგიული რეაქციისგან.

გაიზიარეთ გვერდი Facebook-ზე