კონსილიუმი - ახალი ფორმატით

9 სექტემბრიდან გადაცემა ,,კონსილიუმი" Facebook LIVE-ს სახით ახალი ფორმატით გავა.

თქვენ შეკითხვებს უპასუხებს და საინტერესო თემებზე ისაუბრებს დავით (ბუკა) კობეშავიძე - ,,იმედის კლინიკის" დირექტორის მოადგილე, მედიცინის აკადემიური დოქტორი.

დაინტერესებულ პირებს საშუალება ექნება წინასწარ ან უშუალოდ გადაცემის მიმდინარეობის დროს გამოაგზავნონ მათთვის საინტერესო შეკითხვები;

თემატიკა - ორსულობამდე პერიოდი, ორსულობა, მშობიარობა, ლოგინობის ხანა, გინეკოლოგია

პირდაპირი ეთერი ყოველ ორშაბათს 12:00 საათზე დაიწყება;

პირდაპირი ეთერის დამთავრებისთანავე 13:00 საათზე მსურველებს საშუალება მიეცემათ მიიღონ დავით (ბუკა) კობეშავიძის ინდივიდუალური დისტანციური კონსულტაცია.

დისტანციური კონსულტაციის არსი:

• ინდივიდუალური კონტაქტი - კონსულტაცია და მისი შინაარსი ხელმისაწვდომია მხოლოდ კონტაქტში მონაწილე მხარეებისთვის და არ ექვემდებარება გასაჯაროებას
• სრულფასოვანი კონსულტაცია - ანამნეზის შეკრება, გამოკვლევების შედეგების განხილვა (ასეთის არსებობის შემთხვევაში), პრობლემის გადასაჭრელად სამკურნალო-პროფილაქტიკური სტრატეგიის დაგეგმვა და ა.შ.
• ვიზიტის დაგეგმვა - საჭიროების შემთხვევაში დაიგეგმება ვიზიტი დავით (ბუკა) კობეშავიძესთან (ვიზიტის მიზანი, ასევე ვიზიტის რიცხვი, საათი)

ინდივიდუალურ დისტანციურ კონსულტაციაზე ჩაწერა მოხდება როგორც წინასწარ, ასევე უშუალოდ გადაცემა ,,კონსილიუმის" მიმდინარეობისას.

გაზიარება