Blog Archives

Read Now

მოძებნეთ თქვენთვის სასურველი შეკითხვა და მიიღეთ პასუხი
თუ შეკითხვების ჩამონათვალში ვერ იპოვეთ თქვენთვის საინტერესო საკითხი, მიმართეთ ,,იმედის კლინიკის" საინფორმაციო ცენტრს

მოქმედებს თუ არა თქვენთან სახელმწიფო დაზღვევა (საყოველთაო ჯანდაცვის პროგრამა) და თუ მოქმედებს, როგორ მოვიქცე, რომ ამ პროგრამით ვისარგებლო?

ჩვენთან სახელმწიფო პროგრამა მოქმედებს (იხილეთ მომსახურების ტარიფები და გადახდის წესი ამ პროგრამის ფარგლებში), თუ თქვენ სარგებლობთ საყოველთაო დაზღვევით. თქვენ არ მოგეთხოვებათ რაიმე სახის საბუთის წარმოდგენა, თან უნდა იქონიოთ მხოლოდ პირადობის მოწმობა

ორსულობის რომელ კვირაზე უნდა დავდგე აღრიცხვაზე ქალთა კონსულტაციაში?

სასურველია მე-8 კვირიდან

რა საბუთები უნდა ვიქონიო ქალთა კონსულტაციაში აღრიცხვაზე დადგომის მომენტში?

საჭიროა მხოლოდ პირადობის დამადასტურებელი მოწმობა

როგორ და როდის უნდა ავიღო ანტენატალური მეთვალყურეობის სახელმიფო ვაუჩერი?

ანტენატალური მეთვალყურეობის ვაუჩერის ასაღებად დაგჭირდებათ ექოსკოპიური კვლევა (5 დღის ვადაში ჩატარებული) და ექიმის კონსულტაცია. სახელმწიფო ვაუჩერის დარეგისტრირება ხდება კლინიკაში ელექტრონულად და კლინიკაშივე ხდება მისი გაცემა. გახსოვდეთ, რომ სახელმწიფო ვაუჩერი გაიცემა მხოლოდ 13 კვირის ორსულობის ვადამდე

აუცილებელია ორსულობის ვადის დასადასტურებლად ექოსკოპიის დასკვნა თქვენთან ავიღო?

არა, აუცილებელი არ არის. თუ ექოსკოპიურ გამოკვლევას სხვაგან ჩაიტარებთ ჩვენთან აღრიცხვაზე დასადგომათ მოტანილი დასკვნა უნდა იყოს არაუმეტეს 5 დღის ვადის

როდესაც სხვა კლინიკაში ვარ აღრიცხვაზე და ერთი ან/და რამდენი უფასო ვიზიტი ჩაიტარე იმ კლინიკაში, და მსურს თქვენს კლინიკაში გადმოსვლა და დარჩენილი უფასო ვიზიტი/ები მსურს რომ თქვენთან ჩავიტარო, ასეთ შემთხვევაში როგორ ვიქცევი?

საჭიროა იქონიოთ გაცვლა-გამოცვლის ბარათი და პირადობის მოწმობა, თქვენი გადმომისამართება მოხდება ელექტრონულად პირადობის მოწმობის მეშვეობით.

შესაძლებელია თუ არა ორსულობის პერიოდში დამჭირდეს 4 ვიზიტზე მეტი და ასეთ შემთხვევაში როგორ ხდება მომსახურების ანაზღაურება?

სრულიად შესაძლებელია, რომ ჩვენ ქალთა კონსულტაციაში 4-ზე მეტი ვიზიტი დაგჭირდეთ. ეს აიხსნება იმით, რომ განხორციელდეს თქვენი და ნაყოფის მრავალმხრივი მონიტორინგი და ორსულობის პერიოდი წარიმართოს სრული პატრონაჟის ფონზე. როდესაც ორსული ჩვენთან დგება აღრიცხვაზე, მას ეძლევა ორსულის სამახსოვრო ბარათი, სადაც კვირეების მიხედვით ჩამოწერილია, თუ რომელი კვლევებია სასურველი, რომ ორსულმა ჩაიტაროს და იქვე მითითებული აღნიშნული კვლევების ტარიფებიც.

ორსულობის პერიოდში მარტო გინეკოლოგები მომემსახურებიან?

არა, ორსულობის სრულფასოვანი პატრონაჟისა და შესაძლო გართულებების თავიდან აცილების მიზნით თქვენ მოგემსახურებიან ექიმი-თერაპევტი, ექიმი-ენდოკრინოლოგი და სხვა სპეციალისტები (საჭიროების მიხედვით)

თუ ,,იმედის კლინიკის" ქალთა კონსულტაციაში არ ვარ აღრიცხვაზე მექნება თუ არა საშუალება, რომ თქვენთან ვიმშობიარო?

დიახ, რა თქმა უნდა, თუმცა მშობიარობის მაქსიმალურად უსაფრთხოდ წარმართვის მიზნით უკეთესია თუ თავიდანვე ჩვენთან გექნებათ კონტაქტი, მაგრამ ასევე შესაძლებელია სხვაგან ჩაიტაროთ კონსულტაციები და უკვე 34-35 კვირის ვადაზე მომართოთ ჩვენს კლინიკას. თან უნდა იქონიოთ გაცვლა-გამოცვლის ბარათი და პირქადობის მოწმობა.

მსურს თქვენთან მშობიარობა, აუცილებელია, რომ ექიმი ავიყვანო?

არა, არ არის აუცილებელი

მსურს თქვენთან ვიმშობიარო და ავიყვანო ექიმი, როგორ მოვიქცე?

ექიმმა უნდა იცოდეს თქვენი სურვილის შესახებ წინასწარ. ამავე დროს, ექიმმა უნდა იცოდეს როგორ მიმდინარეობს ორსულობა, არის თუ არა რაიმე სახის რისკი და ა.შ. სწორედ ამიტომ, თუ ექიმის აყვანა გსურთ უკეთესია ორსულობის პირველივე ტრიმესტრში მიმართოთ მას და შესაბამისად, აღრიცხვაზე დადგეთ ,,იმედის კლინიკის" ქალთა კონსულტაციაში, სადაც აღნიშნული ექიმი მოგემსახურებათ.

რა უნდა მქონდეს თან სამშობიაროდ თქვენთან მოსვლისას?

პირადი მოხმარების საგნები, მეძუძური ქალის ლიფი, ჰიგიენური საფენები

რა არის საჭირო ახალშობილისთვის?

,,იმედის კლინიკის” ნეონატალური განყოფილება უზრუნველყოფილია ახალშობილისათვის საჭირო ყველა ნივთით.
იმ შემთხვევაში, თუ თქვენი ნივთების მოტანას მაინც გადაწყვეტთ - დაგჭირდებათ:
- პლედი
- ბოდი
- შარვალი
- წინდა (ბუნებრივი მასალის)
- ქუდი
- გარედან ჩასაცმელი სამოსი
გაყვანის დღეს დაგჭირდებათ ახალშობილის ტანსაცმელი

ექნებათ თუ არა საშუალება ჩემს მეუღლეს და ოჯახის წევრებს დაესწრონ მშობიარობას?

ფიზიოლოგიურ მშობიარობას შეუძლია დაესწროს მხოლოდ მეუღლე. საკეისრო კვეთის ოპერაციაზე თანმხლები პირის დასწრება არ არის მიღებული. საკეისრო კვეთის ოპერაციის დროს შესაძლებელია ახალშობილის მამის გულზე დაწვენა.

მშობიარობის შემდგომ დაახლოებით რამდენი დღე მომიწევს თქვენთან ყოფნა?

ყველაფერი დამოკიდებულია როგორ ჩაივლის მშობიარობის შემდგომი პერიოდი

აქვთ თუ არა ახლობლებს მელოგინეობის პერიოდში ჩემი და ახალშობილის ნახვის უფლება?

ახლობლებს თქვენი ნახვა შეუძლიათ მელოგინეობის პერიოდში ყოველდღე 18.00 საათიდან 21.00 საათამდე

Comments

2/6/2019

ნაყოფის ოპტიმალური სიმაღლე და წონა

Read Now

გზამკვლევი, რომელიც დაგეხმარებათ განსაზღვროთ ნაყოფის ოპტიმალური სიმაღლე და წონა ორსულობის ასაკის მიხედვით

ორსულობის ასაკი	წონა (გრამებში)	სიმაღლე (სანტიმეტრებში)
1 კვირა	-	-
2 კვირა	-	-
3 კვირა	0 – 0.2	0,1 – 0,2
4 კვირა	0,1 – 0,2	0,2 – 0,3
5 კვირა	0,2 – 0,3	0,3 – 0,4
6 კვირა	0,3 – 0,4	0,4 – 0,5
7 კვირა	0,5 – 0,8	0,5 – 1,3
8 კვირა	1 – 1,5	1,5 – 2
9 კვირა	2 – 3	2 – 2,5
10 კვირა	4 – 6	3 – 4
11 კვირა	6- 7	4 – 5
12 კვირა	14 – 15	5 – 6
13 კვირა	25 – 30	6 – 7
14 კვირა	40 – 50	7 – 8
15 კვირა	70	9 – 10
16 კვირა	80 – 100	13 – 14
17 კვირა	120 – 140	15 – 17
18 კვირა	150 – 200	19 – 20
19 კვირა	200 – 300	20 – 22
20 კვირა	240 – 350	24 – 25
21 კვირა	300 – 400	25 – 26
22 კვირა	400 – 500	27 – 28
23 კვირა	500 – 600	28 – 29
24 კვირა	600 – 700	29 – 30
25 კვირა	700 – 800	31 – 32
26 კვირა	800	32 – 33
27 კვირა	900	34
28 კვირა	1000	35 – 36
29 კვირა	1100 – 1200	36 – 37
30 კვირა	1300 – 1400	37 – 38
31 კვირა	1500 – 1600	39 – 40
32 კვირა	1600 – 1700	40 – 41
33 კვირა	1800 – 1900	41 – 42
34 კვირა	2000 – 2100	42 – 43
35 კვირა	2200 – 2300	43 – 45
36 კვირა	2400 – 2600	45 – 46
37 კვირა	2700 – 2800	47 – 48
38 კვირა	2900	49
39 კვირა	3000 – 3100	50
40 კვირა	3100 – 3500	50 - 53

Comments

2/6/2019

დაათვალიერე და დარწმუნდი - ვიდეო ტური ,,იმედის კლინიკაში"

Read Now

მიიღეთ თქვენთვის სასურველი ინფორმაცია, დაათვალიერეთ და დარწმუნდით ,,იმედის კლინიკის” უდავო უპირატესობაში
,,იმედის კლინიკის" სამშობიარო სახლის დათვალიერებაში დაგეხმარებათ კლინიკის დირექტორი დავით კობეშავიძე

მივდივართ ,,იმედის კლინიკაში"

შესავალი

ორსულ ქალთა კონსულტაცია

სამშობიარო და საოპერაციო (საკეისრო) ბლოკი

მელოგინეთა VIP განყოფილება

მელოგინეთა განყოფილება

ახალშობილთა განყოფილება

Comments

2/6/2019

ორსულთა პრენატალური ვარჯიშების პროექტი

Read Now

ექსკლუზიურად მხოლოდ ,,იმედის კლინიკაში“ არის შესაძლებელი ვარჯიშებზე სიარული, რაც ჩვენთან აღრიცხვაზე მყოფი ორსულებისთვის უფასოა; ორსულთა უმრავლესობას აღენიშნება გარკვეული ჩივილები: ტკივილი წელის მიდამოში, წონაში მატება, სიმძიმის შეგრძნება.

ვარჯიშები არა მხოლოდ ეხმარება ორსულებს რომ მოეხსნათ აღნიშნული ჩივილები, არამედ ვარჯიშების საშუალებით ხდება იმ კუნთების გავარჯიშებას, რომლებიც ჯანსაღ მშობიარობაზეა პასუხისმგებელი;

შესაბამისად, პრენატალური ვარჯიშები ხელს უწყობს როგორც ორსულობის უკეთესად მიმდინარეობას, ასევე თავად მშობიარობის პროცესს და მელოგინობის ხანაში დროულ რეაბილიტაციას;

სეანსები ტარდება კვირაში მაქსიმუმ ორჯერ; სეანსის ხანგრძლივობა და დატვირთვის ხარისხი ისაზღვრება ინდივიდუალურად - ორსულის საერთო მდგომარეობიდან გამომდინარე;

ვარჯიშების დაწყება შეუძლიათ ორსულებს 14-15 კვირიდან ორსულობის ბოლომდე;

სეანსი დაყოფილია რამდენიმე ეტაპად, რის გამოც არ ხდება ორსულთა ფიზიკური გადატვირთვა;

თავად სეანსი მოიცავს მსუბუქი გახურების, რელაქსაციის, სუნთქვითი ვარჯიშების, იოგისა და პილატესის ეპიზოდებს;
ეს ყველაფერი მიმდინარეობს სასიამოვნო მუსიკის თანხლებით;

სავარჯიშო კაბინეტი აღჭურვილია ევროპული სტანდარტის ინვენტარით;

იმ ორსულებმა, ვისაც აქვთ პროგრამაში მონაწილეობის სურვილი, პირველ რიგში, ამის შესახებ უნდა აცნობონ ქალთა კონსულტაციის ექიმს; ამის შემდეგ, ხდება ინდივიდუალური სავარჯიშო პროგრამის შედგენა.

ორსულთა პრენატალური ვარჯიშების შესახებ საუბრობს
ქეთი სახვაძე
პრენატალური ვარჯიშების ინსტრუქტორი

Comments

2/6/2019

ორსულის სწორი კვების პროექტი

Read Now

ენდოკრინული პათოლოგიები მნიშვნელოვან როლს თამაშობს ქალის რეპროდუქციული სისტემის დარღვევებში;
ენდოკრინული დაავადებები შესაძლოა გახდეს როგორც უშვილობის, ასევე პათოლოგიური ორსულობის და მშობიარობის მიზეზი;
ამ თვალსაზრისით განსაკუთრებით გამოსაყოფია შემდეგი ენდოკრინული დაავადებები:

ჰიპოთირეოზი
თირეოტოქსიკოზი
აუტოიმუნური თირეოდიტი
გრეივისის დაავადება და ა.შ.
არაკომპენსირებული შაქრიანი დიაბეტი ტ1 და ტ2
გესტაციური დიაბეტი
ჭარბი წონა

ორსულის ჭარბი წონა შესაძლოა გესტაციური დიაბეტის გამომწვევი გახდეს;
ორსულის ჭარბმა წონამ შეიძლება ასევე გაოიწვიოს OPH გესტოზები;
ყოველივედან გამომდინარე, ორსულობის პერიოდში წონის კონტროლს და კორექციას დიდი მნიშვნელობა ენიჭება;

,,იმედის კლინიკამ" შეიმუშავა და დანერგა ორსულის სწორი კვების ინოვაციური პროექტი; შესაბამისად, ჩამოყალიბდა ორსულთა სწორი კვების კაბინეტი;

ორსულმა აღნიშნულ კაბინეტს შეუძლია ნებისმიერ დროს მიმართოს; თუმცა, სასურველია ორსულმა კაბინეტს პირველივე ტრიმესტრში მიმართოს;
ორსულებს, მათი სხეულის მასის ინდექსის მიხედვით (ასევე, ენდოკრინული პათოლოგიის არსებობის შემთხვევაში) დაუდგინდებათ სწორი კვების რეჟიმი და პრინციპები; საჭიროების შემთხვევაში მოხდება ენდოკრინული დარღვევების ან პათოლოგიების კონტროლი და მკურნალობა;
აღსანიშნავია, რომ ,,იმედის კლინიკის" ორსულთა სწორი კვების პროექტის უმთავრესი მიზანია მიღწეულ იქნას ორსულისა და ნაყოფის სიჯანსაღე, რაც უსაფრთხო დედობის გარანტი იქნება

ორსულობის პერიოდში სწორი კვების მნიშვნელობაზე საუბრობს
სოფიკო სახვაძე
,,იმედის კლინიკის" ექიმი-ენდოკრინოლოგი

Comments

2/6/2019

შეღავათიანი სამეანო მომსახურების პროექტი ,,ერთგულება"

Read Now

დავით კობეშავიძე
,,იმედის კლინიკის" დირექტორი

,,იმედის კლინიკაში“ მოქმედებს შეღავათიანი მშობიარობის პროექტი ,,ერთგულება";

პროექტი ,,ერთგულება" ვრცელდება იმ მომავალ დედებზე, რომლებიც ორსულობის პირველივე ვიზიტს და ყველა დანარჩენ ვიზიტს ახორციელებენ ,,იმედის კლინიკის" ორსულ ქალთა კონსულტაციაში;

ამავე დროს, პროექტში ჩასართავად აუცილებელია ორსულმა ,,იმედის კლინიკის" ორსულ ქალთა პატრონაჟის შიდა პროგრამის ფარგლებში განახორციელოს მინიმუმ 5 სრულფასოვანი ფასიანი ვიზიტი მაინც;

ჩვენთვის პატივია თითოეული ორსულის მხრიდან გამოცხადებული ის ნდობა, რაც გამოიხატება ორსულობის ცხრავე თვეს ,,იმედის კლინიკის" ქალთა კონსულტაციაში ვიზიტებით;

ორსულები გვენდობიან, გვანდობენ თავიანთ და შვილის ჯანმრთელობას, ოჯახურ ბედნიერებას და მომავალს;

,,იმედის კლინიკა" ასეთ ორსულებს პასუხობს პროექტით ,,ერთგულება", რომელიც მაღალი ხარისხის მომსახურების პარალელურად საგრძნობი შეღავათებით სამეანო მომსახურებას ითვალისწინებს.

პროექტის ფარგლებში:

ფიზიოლოგიური მშობიარობა საყოველთაო დაზღვევის ფარგლებში

2 ადგილიანი პალატა - 170 ლარი (ნაცვლად 250 ლარისა)
VIP პალატა - 600 (ნაცვლად 780 ლარისა)

ფიზიოლოგიური მშობიარობა საყოველთაო დაზღვევის გარეშე

2 ადგილიანი პალატა - 670 ლარი (ნაცვლად 750 ლარისა)
VIP პალატა - 1100 ლარი (ნაცვლად 1280 ლარისა)

საკეისრო კვეთა საყოველთაო დაზღვევის ფარგლებში

2 ადგილიანი პალატა - 70 ლარი (ნაცვლად 170 ლარისა)
VIP პალატა - 520 ლარი (ნაცვლად 700 ლარისა)

საკეისრო კვეთა საყოველთაო დაზღვევის გარეშე

2 ადგილიანი პალატა - 870 ლარი (ნაცვლად 970 ლარისა)
VIP პალატა - 1320 ლარი (ნაცვლად 1500 ლარისა)

Comments

31/5/2019

კარდიოტოკოგრაფია - გამოკვლევის არსი და საჭიროება

Read Now

ნაყოფის კტგ წარმოადგენს ნაყოფის ულტრაბგერით გამოკვლევას ორსულობის მე-3 ტრიმესტრში და მშობიარობის დროს, რის საფუძველზე მეან-გინეკოლოგი იღებს გარკვეულ მონაცემებს ნაყოფის გულისცემაზე, მის აქტიურობაზე და საშვილოსნოს დაჭიმულობაზე.

კარდიოტოკოგრაფიული გამოკვლევა ორსულებს უტარდებათ დამოუკიდებლად ექოსკოპიური კველევისაგან ან ერთდროულად ხდება ორივე გამოკვლევის ჩატარება.

როდესაც კტგ კეთდება ექოსკოპიისაგან დამოუკიდებლად, მაშინ ნაყოფის კვლევის ჩაწერა აღნიშნული მეთოდით ხდება სპეციალურ ფირზე, სადაც დაწვრილებით არის გაწერილი კვლევის შედეგები.

კარდიოტოკოგრაფიული კვლევის დაკვირვება მიმდინარეობს შემდეგ პარამეტრებზე: - საშვილოსნოს მდგომარეობა (ტონუსი), - ნაყოფის გულისცემის სიხშირე და აქტივობა.

ორსულობის და მშობიარობის მართვა შეიძლება რადიკალურად შეიცვალოს კარდიოტოკოგრაფიული მონაცემებიდან გამომდინარე.

კტგ-ს გაშიფვრა იძლევა პასუხს იმაზე, თუ რამდენად კომფორტულად გრძნობს ნაყოფი თავს მუცლადყოფნის პერიოდში. ზოგიერთი მდგომარეობები, მაგალითად - მცირეწყლიანობა ან პირიქით, მრავალწყლიანობა, ნაყოფის არასაკმარისი სისხლმომარაგება.

კტგ-ს ჩატარება ნაყოფთან ნიშნავს იმის გამოკვლევას თუ როგორი შუმგუებლური და კომპენსატორული შესაძლებლობები გააჩნია ნაყოფს, ვინაიდან მშობაირობის დროს ნაყოფი იმყოფება სტრესის ქვეშ, რადგან იკუმშება საშვილოსნო, გამოივლის ვიწრო მენჯის რკალს და ჟანგბადის მიწოდება პერიოდულად უმცირდება.

თუ კტგ ნორმაში ფიქსირდება, ეს იმას ნიშნავს, რომ ბავშვი მზად არის თავისი პირველი თავგადასავლისათვის, რასაც მშობიარობა ჰქვია. ხოლო თუ კტგ-ზე გამოჩნდება გარკვეული ტიპის დარღვევები ორსული აუცილებლად საჭიროებს გინეკოლოგის კონსულტაციას და ამ დროს წყდება საკითხი მის დამატებით მკურნალობაზე ან მომზადებაზე საკეისრო კვეთისათვის.

ნაყოფის მდგომარეობის შეფასება ხდბა ფიშერისა და კრებსის შკალის 10-ბალიანი სისტემის მიხედვით:
- 8-10 ქულა შეესაბამება ნორმას,
- 5-7 ქულა - საეჭვოა,
- 4 ქულა მიუთითებს ნაყოფის მნიშვნელოვან დარღვევებზე.

სამწუხაროდ, დღესდღეობით ორსულთა სტრესული ცხოვრებიდან, არაჯანსაღი კვებიდან და დაძაბული სამუშაო რეჟიმიდან გამომდინარე, ძირითადად კტგ-ს არადამაკმაყოფილებელ შეფასებას ვიღებთ.

იდეალური შემთხვევაა, როდესაც კტგ გამოიყენება მშობიარობის დროს, რაც საშუალებას გვაძლევს დინამიკაში ვაწარმოოთ კონტროლი ნაყოფის მდგომარეობაზე და საშვილოსნოს კუმშვადობაზე.

განსაკუთრებულად საყურადღებოა კტგ ნაადრევი და ვადაგადაცილებული მშობიარობების, სამშობიარო მოქმედების აღძვრისა და სტიმულაციის პროცესში, ფუნქციური უკმარისობისა და ნაყოფის ჰიპოქსიის შემთხვევაში.

კტგ-ს გაკეთება, როგორც წესი, ჩვენებას წარმოადგენს იმ ორსულებში, რომელთაც აქვთ დამძიმებული სამეანო ანამნეზი (ნადრევი მშობიარობა ან თვითნებითი აბორტი), ქრონიკული დაავადებები, შაქრიანი დიაბეტი, ჰიპერტონია, სისტემური დაავადებები, ჰესტოზი (ტოქსიკოზი), რეზუს-კონფლიქტები, ორსულობა ტყუპი ნაყოფით, ორსულობის ვადაგადაცილება, ნაყოფის აქტივობის შემცირება, ნაყოფის ზრდაში ჩამორჩენა, მცირეწყლიანობა ან მრავალწყლიანობა, პლაცენტის ნაადრევი მომწიფება, ნაყოფის განვითარების მანკები, სისხლის მიმოქცევის დარღვევა დედას, პლაცენტასა და ნაყოფს შორის (ნაყოფის ექოსკოპიური და დოპლეროგრაფიული მონაცემებიდან გამომდინარე). ყველა შემდგომი კტგ-ს კვლევა კეთდება წინამორბედი არადამაკმაყოფილებელი კტგ-ს მონაცემებზე დაყრდნობით.

განმარტავს
ნინო ჟუჟნიაშვილი
ნაყოფის მონიტორინგის კაბინეტის ხელმძღვანელი

Comments

31/5/2019

ორსულის ლაბორატორიული გამოკვლევის არსი და საჭიროება

Read Now