ორსულის ჭარბი წონა

​ჭარბი წონა თანამედროვე გოგონათა და ქალთა დიდი ნაწილის პრობლემაა, თუმცა თუ ჭარბი წონა უმნიშვნელოა, ამან ქალს განსაკუთებული მომხიბვლელობაც შეიძლება შესძინოს.

ორსულობა და ქალის ჭარბი წონა თითქმის საერთო მცნებაა, ვინაიდან ორსული, ჩვეულებრივ, ჭარბ წონიანი ხდება. 
ორსულობის პერიოდში ჭარბი წონა შესაძლებელია სხვადასხვა გართულების მიზეზი გახდეს.

ჭარბი წონის გამო დიდი დატვირთვა აქვს ქალის საყრდენ-მამოძრავებელ სისტემას და მთლიანად ორგანიზმს, რამაც ორსულობის შეწყვეტაც ი შეიძლება გამოიწვიოს.

ჭარბწონოსანთა ერთ-ერთი ძირითადი გართულებაა ჰიპერტონია, რაც აუარესებს საშვილოსნო-პლაცენტარულ მიმოქცევას. ნაყოფი, რომელიც აქტიურად ვითარდება, ვერ იღებს ჟანგბადის საჭირო და აუცილებელ რაოდენობას, ასევე ადგიი აქვს საკვები ნივთიერებების საგრძნობ დეფიციტსაც.

ქალებს, რომლებსაც ჭარბწონიანობა აწუხებთ აქვთ უნაყოფობის გაცილებით მაღალი რისკი, ისევე როგორც მუცლის მოშლის რისკი.

ზედმეტმა წონამ შეიძლება გამოიწვიოს ფარული ფორმის შაქრიანი დიაბეტი, ამის გამო ხდება ნაყოფის ზომისა და წონის ზრდა. ასეთ შემთხვევაში, ძირითადათ მშობიარობა საკეისრო კვეთის გზით ხდება.

როგორ უნდა მოიქცეთ თუ ჭარბი წონა გაწუხებთ? პირველ რიგში, გახსოვდეთ, რომ ნებისმიერი სახის რადიკალურმა გადაწყვეტილებამ შესაძლოა მძიმე შედეგი გამოიღოს და ავნოს როგორც თქვენს ჯანმრთელობას, ასევე ნაყოფის განვითარებას და სიცოცხლესაც კი.

სწორედ ამიტომ, აღნიშნული პრობლემით აუცილებლად უნდა მიმართოთ თქვენ ექიმ-გინეკოლოგს და მხოლოდ მისი კონსულტაციის ფარგლებში იმოქმედოთ.

დღეს -

სიახლეები, მიმართულებები, სერვისები, საინტერესო ორსულებისთვის, რჩეული გვერდები, ვიდეო განმარტებები და დღის თემები