ორსულობა და ყავა

​ყავა შეიცავს ალკალოიდს, რომელსაც კოფეინი ეწოდება; კოფეინს ახასიათებს მის მიმართ ფიზიკური და ფსიქოლოგიური დამოკიდებულების გაჩენა.

​დამტკიცებული ფაქტია, რომ კოფეინის გადაჭარბებული მიღება საზიანოა თქვენი და თქვენი პატარას ჯანმრთელობისთვის.

 ყავა ერთი-ერთი ყველაზე საყვარელი სასმელი შეიძლება იყოს თქვენთვის. მასში შემავალი კოფეინი ძლიერი სტიმულატორია და ადვილად შეუძლია თქვენი სიცოცხლის ხარისხის გაუმჯობესება, მაგრამ ორსულობის პერიოდში მას ვერ ჩავთვლით თქვენს საუკეთესო მეგობრად.

არამარტო ყავის, ზოგადად კოფეინის შემცველი პროდუქტების დიდი დოზებით მიღება საშიშია ორსულობისას და შეიძლება ამის უგულვებელყოფამ მუცლის მოშლაც კი გამოიწვიოს.

 კოფეინი ზრდის გულის ცემას და იწვევს არტერიული წნევის მატებას, რაც არ არის რეკომენდირებული ორსულობის დროს. ის ასევე ზრდის შარდის გამოყოფას რამაც შეიძლება ორგანიზმის დეჰიდრატაცია გამოიწვიოს.

 დიდი დოზებით კოფეინის მიღებისას, რა თქმა უნდა იგი გარკვეული დოზებით მიეწოდება თქვენს პატარასაც. ამ დროს მისი მეტაბოლიზმი ჯერ კიდევ სუსტია და არ შეუძლია მისი სრული გადამუშავება.

გვინდა შეგახსენოთ რომ კოფეინს ყავის გარდა სხვა ბვერი პროდუქტიც შეიცავს ისეთი როგორიცაა ჩაი, სოდა და სხვადასხვა საძილე საშუალებები(მაგ. ექსედრინი).

 კოფეინის გადაჭარბებული მიღება შეიძლება უნაყოფობის მაპროვოცირებელი ფაქტორიც კი გახდეს. გადაჭარბებული კოფეინის მიღება ორსულებში მუცლის მოშლის შანსს 50%-ით ზრდის.

დღეს -

სიახლეები, მიმართულებები, სერვისები, საინტერესო ორსულებისთვის, რჩეული გვერდები, ვიდეო განმარტებები და დღის თემები