განვითარების ეტაპები

ყველა ახალშობილი ერთმანეთისაგან განსხვავებულია წონით და სიგრძით.

მათი განვითარების ტემპიც ინდივიდუალურია.ამიტომ, ნუ შეადარებთ ერთმანეთს ერთი და იმავე ასაკის სხვადასხვა ბავშვს.

ბავშვის წონა მისი განვითარების ერთ-ერთი მაჩვენებელია და საჭიროა მისი ყოველთვიური შეფასება. წონის მატების შეჩერება თუ კლება ბავშვის ავადმყოფობაზე ან არასწორ კვებაზე მიუთითებს.

უნდა იცოდეთ, რომ პირველი 6 თვის განმავლობაში ბავშვი კვირაში დაახლოებით 125-150 გრამს, 6 თვის შემდეგ კი 100-125 გრამს უნდა იმატებდეს.

სიგრძის ნამატი პირველ წელს დაახლოებით 25 სმ-ია; პირველ სამ თვეში - 9-სმ, 4-6 თვემდე - 7-8 სმ, 7-9 თვემდე - 6 სმ, 10-12 თვემდე კი 3 სმ.

თუ ბავშვის წონაში ნამატი პირველი 6 თვის განმავლობაში არის 500 გრ. შემდგომში კი 400 გრ-ზე ნაკლებია ან მისი წონის მატება არ შეინიშნება, დაუყოვნელბლივ მიმართეთ ექიმს.